రైతన్నలకు మేలు..

• సులభంగా.. వేగంగా అందుతున్న సేవలు
  
• ధరణి పోర్టల్‌ను ప్రారంభించిన ఎమ్మెల్యే అబ్రహం

అలంపూర్‌ : సీఎం కేసీఆర్‌ ప్రవేశపెట్టిన ధరణితో రైతన్నలకు ఎంతో మేలు కలుగుతున్నదని ఎమ్మెల్యే అబ్రహం పేర్కొన్నారు. సోమవారం అలంపూరు రెవెన్యూ కార్యాలయంలో ధరణి పోర్టల్‌ను ప్రారంభించారు. రైతులకు రిజిస్ట్రేషన్‌ పత్రాలు అందజేశారు. ఈ సందర్భంగా ఎమ్మెల్యే మాట్లాడుతూ రైతుల శ్రేయస్సును దృష్టిలో ఉంచుకుని ధరణిని ప్రవేశపెట్టినట్లు తెలిపారు. సులభంగా.. వేగంగా సేవలు అందుతున్నాయన్నారు. కార్యక్రమంలో తాసిల్దార్‌ మదన్‌మోహన్‌రావు, మున్సిపల్‌ చైర్‌పర్సన్‌ మనోరమ, వైస్‌ చైర్మన్‌ శేఖర్‌రెడ్డి, కౌన్సిలర్‌ సుదర్శన్‌గౌడ్‌, మార్కెట్‌ కమిటీ వైస్‌ చైర్మన్‌ లక్ష్మన్న, కో ఆప్షన్‌ మెంబర్‌ అల్లాబకాశ్‌, మద్దిలేటి, సుంకన్న, శేఖర్‌, శ్రీను, అక్బర్‌అలీ, కృష్ణ, దేవరాజ్‌, రవిగౌడ్‌ తదితరులు పాల్గొన్నారు.