సిందూరానికి వీర వందనం

సిందూర రేఖ రక్తసాక్షిగా వెలిగింది, ధీరుల నడకకు భూదేవి పులకించింది. సరిహద్దు గాలి పటాకుల్లా మోగింది.

సిందూర రేఖ రక్తసాక్షిగా వెలిగింది,
ధీరుల నడకకు భూదేవి పులకించింది.
సరిహద్దు గాలి పటాకుల్లా మోగింది.

అమ్మ కడుపు కన్నీటి తడిగా మారినా…
ఆ వీరుని నడక ఒక్క అడుగు తగ్గలేదు.
తండ్రి ఆశల పూదోట ముసురు పడినా..
తల్లి తొలి ముద్దు త్యాగమై నిలిచే… జై హిందని.

నల్ల చీకటిలో దీపాలై వెలిగిన వీరులు,
వారి నీడలో ఓ వెలుగు చూసింది దేశం.
జీవితాన్ని పణంగా పెట్టి నిలిచి ధైర్యం,
ఆ ధైర్యంలో జాతీయ గీతమై పులకించింది దేశం.

ఒక్క జెండా కోసం శ్వాసను ధర్మంగా చేశారు,
వారిని చూసి గగనమే గర్వంతో వంగింది.
కన్నీటి వెనుక జ్వాలగా రగిలిన ఆ శక్తి,
పరాక్రమమై మన దేశానికి కవచంలా నిలిచింది.

చలికి చెమట,
మృతికి ఎదురుగా చిరునవ్వు,
అన్నీ వదిలి, దేశ జెండాను పట్టిన త్యాగధనులు,
పోరాడినది ఓ సరిహద్దు కోసం కాదు,
దేశ భవిష్యత్తు కోసం.

సిందూరమై మురిసిన భువిపై,
ఒక్కో క్షణం ధైర్యానికే సాక్ష్యం.
వీరుల రక్తంతో రాసిన చరిత్రలా..
ప్రతి గుండెలో సజీవమై ఉండే..
ఆపరేషన్‌ సిందూరానికి.. వీర వందనం.

– ననుబోలు రాజశేఖర్‌ 9885739808