ట్రంపురాణం!

ఆది నుంచి అంతులేని అరాచకమే ట్రంపురాణమూల సూత్రం! ఔదార్యం లేని పెద్దన్న పాత్ర ఎప్పటికీ ప్రపంచానికి అనుమానాస్పదమే! ఆధునిక కాలంలో

ఆది నుంచి
అంతులేని అరాచకమే
ట్రంపురాణమూల సూత్రం!
ఔదార్యం లేని
పెద్దన్న పాత్ర ఎప్పటికీ
ప్రపంచానికి అనుమానాస్పదమే!
ఆధునిక కాలంలో
యుద్ధమొక అనాగరిక చర్య
పెత్తనం కోసం పెనుగులాట!
మనుషుల్ని చంపే
ఈ ఆయుధ బేహారికి
నోబెల్‌ శాంతి బహుమతిపై ఆశ అట!
ఎవరూ కలసి రాకున్నా

డొల్ల బెదిరింపులకు
తెల్ల అహంకారానికి తరుగే లేదు!
ఎవరూ తక్కువ తినలే
మానవీయ విలువలు కోల్పోతే
భూమండలమే ఓ శ్మశాన వేదిక!
దేశాధినేతలారా
ప్రపంచం తగలబడక ముందే
శాంతి నినాదం వెల్లువెత్తనీయండి!!

– కోట్ల వెంకటేశ్వర రెడ్డి
94402 33261