Development of parks | నియోజకవర్గంలో పార్క్​‍ల అభివృద్ధికి కట్టుబడి ఉన్నాం : ఎమ్మెల్యే కాలేరు వెంకటేశ్‌

కాచిగూడ :  పార్కుల సుందరీకరణకు ప్రభుత్వం కట్టుబడి ఉందని, రాజకీయలకు ఆతీతంగా నియోజకవర్గం లోని పార్క్​‍లను అభివృద్ధి చేస్తున్నట్లు అంబర్‌పేట ఎమ్మెల్యే కాలేరు వెంకటేశ్‌ అన్నారు. బర్కత్‌పురలోని విక్రంనగర్‌ పార్క్​‍ అభివృద్ధి పనులను రూ.80 లక్షల రూపాయలతో బుధవారం కాచిగూడ కార్పొరేటర్‌ ఉమా రమేశ్‌యాదవ్‌తో కలిసి ఎమ్మెల్యే కాలేరు వెంకటేశ్‌ ప్రారంభించారు.

అనంతరం అధికారులతో పర్యటించి పార్క్​‍లోని సమస్యలను స్వయంగా వాకర్స్​‍ను అడిగి తెలుసుకున్నారు. ఈ సందర్భంగా ఎమ్మెల్యే మాట్లాడుతూ పార్క్​‍ ద్వారం వద్ద ఆర్చ్ నిర్మాణం చేపట్టాలని,పార్క్​‍లోకి వాకింగ్‌కు వచ్చేవారికి ఇబ్బందులు తలేత్తకుండా వాకింగ్‌ ట్రాక్‌ను ఏర్పాటు చేయాలని అధికారులను ఆదేశించారు.

అదే విధంగా సందర్శకుల కోసం పార్క్​‍ గోడలపై వినూత్నమైన చిత్రాల వేయించి, పార్క్​‍ చుట్టుపక్కల మొక్కలు, పుట్‌పాత్‌లపై బెంచీలను ఏర్పాటు చేయాలని సూచించారు.రాబోయే తరాలకు పచ్చదనాన్ని ఇవ్వడానికి తమవంతు బాధ్యతగా స్థానికులందరూ పార్కులను సంరక్షించుకోవాలని ఆయన సూచించారు.

ఈ కార్యక్రమంలో మాజీ ప్లోర్‌లీడర్‌, టీఆర్‌ఎస్ నాయకుడు దిడ్డి రాంబాబు, కన్నె రమేశ్‌యాదవ్‌,డివిజన్‌ అధ్యక్షుడు ఎర భీష్మాదేవ్‌, ప్రధాన కార్యదర్శి సదానంద్‌, జీహెచ్‌ఎంసీ ఈఈ శంకర్‌,ఏఈ ప్రేరణ,సంపత్‌, తదితరులు పాల్గొన్నారు.