ఆయువు తీస్తున్నారు!

• జోగుళాంబ గద్వాల జిల్లాలో పెరిగిన హత్యలు
• వివాహేతర సంబంధాలే అధికం!
• అనాథలుగా మారుతున్న చిన్నారులు
• గతేడాది 18 హత్యలు..

గద్వాల న్యూటౌన్‌, డిసెంబర్‌ 31 : మానవత్వం మంటగలుస్తున్నది. ఆస్తి తగదాలు, కుటుంబ కలహాలు, పగలు, ప్రతీకారాలు, వివాహేతర సంబంధాలు, డబ్బు.. ఇలా కారణాలు ఏవైనా హత్యలు పెరుగుతున్నాయి. జోగుళాంబ గద్వాల జిల్లాలో గతేడాది 18 హత్యలు జరిగాయి. నాలుగేండ్ల కాలంలో గద్వాల, అయిజ, ధరూర్‌, కేటీదొడ్డి, గట్టు, మల్దకల్‌, రాజోళి, శాంతినగర్‌, అలంపూర్‌ తదితర మండలాల పరిధిలో 62 హత్య కేసులు నమోదయ్యాయి. జిల్లాలో ఏటేటా హత్య కేసులు పెరుగుతున్నాయి. మూడు ముళ్ల బంధంతో ఒక్కటై అన్యోన్యంగా జీవిస్తున్న కుటుంబాల్లో వివాహేతర సంబంధాలు చిచ్చురేపుతున్నాయి. క్షణికావేశంలో చేసిన తప్పులకు జైలు శిక్ష అనుభవించడమే కాకుండా.. ఆయా కుటుంబాలపై జీవతాంతం తీవ్ర ప్రభావం చూపుతున్నది. ప్రధానంగా తల్లి లేదా త్రండి జైలుకు వెళ్తే.. పిల్లల ఇబ్బందులు వర్ణణాతీతం. ప్రభుత్వం ప్రజల్లో మార్పునకు అవగాహన కార్యక్రమాలు, సదస్సులు నిర్వహిస్తున్నా.. మార్పు కనిపించడం లేదు. ఆడపిల్లలు పుట్టారని ఒకచోట.., డబ్బు, ఆస్తుల పంపకంలో తేడా రావడంతో మరో చోట హత్యలకు పాల్పడి జైలుకు వెళ్తున్నారు. గత నాలుగేండ్లలో జిల్లాలో 62 హత్యలు జరిగాయి. 2018లో 9, 2019లో 12, 2020లో 23, 2021లో 18 హత్యలు జరిగినట్లు పోలీసులు తెలిపారు.

మచ్చుకు కొన్ని..

• గతేడాది అక్టోబర్‌ 2న గద్వాల మండలం తుర్కోనిప ల్లి శివారులోని బత్తాయి తోటలో కూలీగా పని చేసే వనపర్తి జిల్లాకు చెందిన బోయ రాజు(30)ను అతడి భార్య ప్రియుడి సాయంతో హత్య చేసింది. తమ వివాహేతర సంబంధానికి భర్త అడ్డుగా ఉన్నాడని భావించి ప్రియుడితో కలిసి భర్త గొం తు నులిమి హత్య చేసింది.
• సెప్టెంబర్‌ 27న వనపర్తి జిల్లా మదనాపురం గ్రామానికి చెందిన పల్లవి (23)కి రెండేండ్ల కిందట గద్వాల పట్టణానికి చెందిన యువకుడితో వివాహమైంది. అయితే మొదటి కాన్పులో ఒకరు, రెండో కాన్పులో ఇద్దరు ఆడపిల్లలు పుట్టా రు. దీంతో భార్యపై కోపంతో హత్య చేశాడు.
• అదే నెల 29న ఏపీలో అనంతపురం జిల్లాకు చెందిన లక్ష్మి(20), గంగన్న(22) గద్వాల పట్టణ శివారులోని పిల్లిగుండ్ల కాలనీ వద్ద రైలు కింద పడి ఆత్మహత్యకు పాల్పడ్డారు. లక్ష్మికి ఏడాది కిందట మరో వ్యక్తితో వివాహం కాగా.. ఒకరిని ప్రేమించి మరొకరితో కలిసి ఉండలేక సదరు వివాహిత ప్రి యుడితో కలిసి ఆత్మహత్య చేసుకున్నది.
• కేటీదొడ్డి మండలం నందిన్నె గ్రామానికి చెందిన కుర్వ కర్రెప్పకు కుచినెర్ల గ్రామానికి చెందిన నర్సమ్మతో రెండేండ్ల కిందట వివాహమైంది. వీరికి భరత్‌ (1) అనే బాబు ఉన్నా డు. అయితే, భర్తతో గొడవపడి నర్సమ్మ పుట్టింటికి వెళ్లింది. కర్రెప్ప తనతో రావాలని భార్యను కోరాడు. రానని చెప్పడంతో కొడుకును బలవంతంగా తీసుకొని నందిన్నెకు వెళ్లాడు. నవంబర్‌ 30న భరత్‌కు తండ్రి పురుగుల మందు తాగించి.. అత్తగారింటి వద్ద వదిలిపెట్టాడు. గమనించిన తల్లి కొడుకును దవాఖానకు తరలిస్తుండగా మార్గమధ్యంలో మృతి చెందాడు.
• అలంపూర్‌ మండలంలోని కాశాపురం గ్రామంలో 2019లో గొల్ల వెంకట్రాముడుకు పింజరి మోదీన్‌ బీ అనే వృద్ధురాలు రూ.80వేలు అప్పు ఇచ్చింది. కొన్ని రోజులు గా డబ్బు తిరిగి ఇవ్వమని వెంకట్రాముడును అడుగుతున్నది. మోదీన్‌ బీని చంపితే డబ్బులు చెల్లించే అవసరం ఉండదని భావించిన వెంకట్రాము లు.., చనిపోతే భూమి తనకే దక్కుతుంద ని మోదీన్‌ బీ చెల్లెలి కుమారుడు షా లుబాషా హత్య చేయాలని నిర్ణయించారు. డిసెంబర్‌ 19న పొలంలో పత్తి ఏరుతుండగా ఇద్దరూ కలిసి హత్య చేశారు.