Rythu bandhu celebrations | ముఖ్య మంత్రికి కృతజ్ఞతగా రైతుబంధు సంబురాలు : ఎమ్మెల్యే దానం నాగేందర్‌

బంజారాహిల్స్ : దేశంలోనే ఎక్కడా లేని విధంగా రైతులకు పెట్టుబడి సాయం అందిస్తూ చేయూత అందిస్తున్న ముఖ్యమంత్రి కేసీఆర్‌కు కృతజ్ఞతగా రైతుబంధు సంబురాలను నిర్వహిస్తున్నట్లు ఖైరతాబాద్‌ ఎమ్మెల్యే దానం నాగేందర్‌ అన్నారు.

బంజారాహిల్స్​‍ రోడ్‌ నెం 11లో మంగళవారం రైతుబంధు సంబరాల్లో ఎమ్మెల్యే దానం నాగేందర్‌, కార్పొరేటర్‌ మన్నె కవితారెడ్డి పాల్గొన్నారు. రూ.50వేల కోట్ల రైతుబంధు సాయం అందించిన సందర్భంగా ప్రత్యేకంగా తయారు చేసిన పతంగులను ఎమ్మెల్యే దానం నాగేందర్‌ పంపిణీ చేశారు.

ఈ సందర్భంగా ఎమ్మెల్యే దానం నాగేందర్‌ మాట్లాడుతూ.. వ్యవసాయాన్ని లాభసాటిగా మార్చడంలో ముఖ్యమంత్రి కేసీఆర్‌ ప్రవేశపెట్టిన రైతు బంధు పథకం కీలకపాత్ర పోషిస్తోందన్నారు. సంక్రాంతి సందర్బంగా ముఖ్యమంత్రి కేసీఆర్‌కు కృతజతలు తెలిపేందుకు రైతుబంధు సంబరాలు నిర్వహిస్తున్నామన్నారు.

ఈ కార్యక్రమంలో టీఆర్‌ఎస్ డివిజన్‌ అధ్యక్షుడు రాములు చౌహాన్‌, ప్రధాన కార్యదర్శి మాదాస్ ఆనంద్‌కుమార్‌, ప్రేమ్‌కుమార్‌, శౌరీరాజు తదితరులు పాల్గొన్నారు.