Case against man caused death of the dog | నిర్లక్ష్యంగా కారు నడిపి కుక్క మృతికి కారణమైన వ్యక్తిపై కేసు

నిర్లక్ష్యంగా కారు నడిపి వీధి కుక్క మృతికి కారణమైన వ్యక్తిపై జూబ్లీహిల్స్​‍ పోలీసులు కేసు నమోదు చేశారు.

బంజారాహిల్స్ : నిర్లక్ష్యంగా కారు నడిపి వీధి కుక్క మృతికి కారణమైన వ్యక్తిపై జూబ్లీహిల్స్​‍ పోలీసులు కేసు నమోదు చేశారు. వివరాల్లోకి వెళ్తే ఈ నెల 2న‌ రాత్రి 7.30 గంటల సమయంలో అల్లూరి రాంచందర్‌రావు అనే వ్యక్తి జూబ్లీహిల్స్​‍ రోడ్‌ నెం. 78 నుంచి వేగంగా వెళ్తూ ఓ వీధి కుక్కను గుద్దేశాడు. ఈ ప్రమాదంలో ఆ కుక్క అక్కడికక్కడే మృతి చెందింది.

అదే సమయంలో ఈ దారిగుండా వెళ్తున్న ఐఏఎస్ అధికారి అర్వింద్‌ కుమార్‌ గమనించి ఖైరతాబాద్‌ జోన్‌ వెటర్నరీ విభాగం అధికారి మోహన్‌రెడ్డికి జరిగిన ఘటనపై పోలీసులకు ఫిర్యాదు చేయాలని సూచించారు. అర్వింద్‌ కుమార్‌ సూచనల మేరకు మోహన్‌రెడ్డి బంజారాహిల్స్​‍ పోలీసులకు ఫిర్యాదు చేశారు.

ఫిర్యాదు స్వీకరించిన జూబ్లీహిల్స్​‍ పోలీసులు విచారణ చేపట్టి వీధి కుక్క మృతికి కారణమైన వ్య‌క్తిని అల్లూరి రాంచందర్‌రావుగా గుర్తించి ఆయనపై యానిమల్ కృయాలిటి యాక్ట్ తో పాటు ఐపీసీ సెక్షన్‌ 429, కింద కేసు నమోదు చేసి దర్యాప్తు చేస్తున్నారు.