కేంద్రానికి గుణపాఠం తప్పదు

చావు డప్పులో పాల్గొన్న రైతులు
ధాన్యం కొనుగోలు చేసే వరకు కేంద్రాన్ని వెంటాడుతామని స్పష్టం చేసిన నాయకులు
పాల్గొన్న ఎమ్మెల్సీ, ఎమ్మెల్యేలు, రైతులు
షాబాద్‌/చేవెళ్లటౌన్‌/చేవెళ్ల రూరల్‌/మొయినాబాద్‌/శంకర్‌పల్లి, డిసెంబర్‌ 20 : టీఆర్‌ఎస్‌ పార్టీ ఇచ్చిన పిలుపు మేరకు చేవెళ్ల నియోజకవర్గంలో నిరసన కార్యక్రమాలు పెద్ద ఎత్తున చేపట్టారు. సోమవారం నియోజకవర్గం పరిధిలోని చేవెళ్ల, షాబాద్‌, మొయినాబాద్‌, శంకర్‌పల్లి మండలాల్లో టీఆర్‌ఎస్‌ పార్టీ శ్రేణులు, రైతులు ధర్నాలో పాల్గొని కేంద్ర ప్రభుత్వానికి వ్యతిరేకంగా నినాదాలు చేశారు. చావుడప్పు తో ఊరూరా ర్యాలీలు నిర్వహించి కేంద్ర ప్రభుత్వ దిష్టిబొమ్మను దహనం చేశారు. రైతులకు న్యాయం జరిగేంతా వరకు టీఆర్‌ఎస్‌ ఆధ్వర్యంలో పోరాటాలు కొనసాగిస్తామని నాయకులు స్పష్టం చేశారు. కార్యక్రమంలో ఆయా మండలాల ఎంపీపీలు మల్గారి విజయలక్ష్మి, కోట్ల ప్రశాంతిరెడ్డి, గునుగుర్తి నక్షత్రం, గోవర్ధన్‌రెడ్డి, జడ్పీటీసీలు పట్నం అవినాశ్‌రెడ్డి, కాలె శ్రీకాంత్‌, మాలతి, గోవిందమ్మ, పార్టీ అధ్యక్షులు ప్రభాకర్‌, నర్సింగ్‌రావు, మహేందర్‌రెడ్డి, గోపాల్‌, వాసుదేవ్‌కన్నా, మహిళా విభాగం జిల్లా అధ్యక్షురాలు స్వప్న, కృష్ణారెడ్డి, నర్సింహులు, నాగార్జునరెడ్డి, ఎస్సీసెల్‌ అధ్యక్షుడు తొంట వెంకటయ్య, ఎంపీటీసీల ఫోరం అధ్యక్షుడు శ్రీనివాస్‌, మార్కెట్‌ కమిటీ వైస్‌ చైర్మన్‌ రాజు, మాజీ చైర్మన్‌ జగన్మోహన్‌రెడ్డి, సీనియర్‌ నాయకులు నర్సింహారెడ్డి, కృష్ణారెడ్డి, రాఘవేందర్‌యాదవ్‌, ఆంజనేయులు ఉన్నారు.
బీజేపీ చెప్పేదొకటి.. చేసేదొకటి

• ఎమ్మెల్సీ డాక్టర్‌ పట్నం మహేందర్‌రెడ్డి
  షాబాద్‌, డిసెంబర్‌ 20: రైతుల విషయంలో కేంద్రంలోని బీజేపీ ప్రభుత్వం చెప్పేదొకటి…చేసేది ఒకటిగా వ్యవహారిస్తున్నదని ఎమ్మెల్సీ డాక్టర్‌ పట్నం మహేందర్‌రెడ్డి అన్నారు. టీఆర్‌ఎస్‌ పార్టీ ఇచ్చిన పిలుపుమేరకు సోమవారం షాబాద్‌ మండల కేంద్రంలో జడ్పీటీసీ పట్నం అవినాశ్‌రెడ్డి ఆధ్వర్యంలో ఏర్పాటు చేసిన చావుడప్పు కార్యక్రమంలో పాల్గొన్నారు. కేంద్ర ప్రభుత్వ దిష్టిబొమ్మను గ్రామ వీధుల గుండా ఊరేగించారు. అనంతరం ముంబాయి-బెంగుళూరు లింకు జాతీయ రహదారిపై ధర్నా, రాస్తారోకో నిర్వహించారు. దిష్టిబొమ్మను దహనం చేసి బీజేపీ డౌన్‌ డౌన్‌ అంటూ పెద్ద ఎత్తున నినాదాలు చేశారు. ఈ సందర్భంగా ఎమ్మెల్సీ మహేందర్‌రెడ్డి మాట్లాడుతూ…రైతులు పండించిన పంటను కొనుగోలు చేయకుండా కేంద్ర ప్రభుత్వం రాష్ట్రం ప్రభుత్వంపై లేనిపోని అబద్ధ్దాలు చెబుతున్నదని మండిపడ్డారు. ఎంపీలు, మంత్రులు ఢిల్లీలో ధర్నా చేసినా బీజేపీ కళ్లు తెరవడం లేదన్నారు. కార్యక్రమంలో జిల్లా రైతుబంధు సమితి సభ్యుడు కొలన్‌ ప్రభాకర్‌రెడ్డి, మండల కన్వీనర్‌ భానూరి మధుసూదన్‌రెడ్డి, టీఆర్‌ఎస్‌ మండలాధ్యక్షుడు నర్సింగ్‌రావు, కో-ఆప్షన్‌ సభ్యుడు చాంద్‌పాషా, మార్కెట్‌ కమిటీ చైర్మన్‌ పోన్న స్వప్నానర్సింహారెడ్డి, పీఏసీఎస్‌ చైర్మన్‌ చల్లా శేఖర్‌రెడ్డి, టీఎల్‌ఎఫ్‌ జిల్లా లీగల్‌ అడ్వైజర్‌ పీసరి సతీశ్‌రెడ్డి, మండల ఎస్సీసెల్‌ అధ్యక్షుడు తొంట వెంకటయ్య, మాజీ సర్పంచ్‌ వెంకట్‌యాదవ్‌, మార్కెట్‌ డైరెక్టర్‌ సూద యాదయ్య, నాయకులు రమేశ్‌యాదవ్‌, గణేశ్‌గౌడ్‌, మునీర్‌, ముఖ్రంఖాన్‌ పాల్గొన్నారు
• కేంద్ర ప్రభుత్వ వైఖరి మారాలి : ఎమ్మెల్యే యాదయ్య
  షాబాద్‌ : కేంద్రంలోని బీజేపీ ప్రభుత్వం పూర్తిగా రైతు వ్యతిరేక విధానాలకు పాల్పడుతుందని, రైతుల పట్ల మొండి వైఖరి వీడి ధాన్యాన్ని కొనుగోలు చేయాలని చేవెళ్ల ఎమ్మెల్యే కాలె యాదయ్య డిమాండ్‌ చేశారు. చేవెళ్ల, శంకర్‌పల్లి మండల కేంద్రాల్లో నిర్వహించిన రైతుధర్నాలో పాల్గొన్నారు. ఈ సందర్భంగా ఆయన మాట్లాడుతూ… దేశంలో ఎక్కడా లేని విధంగా తెలంగాణలో వరిధాన్యం పండించడం జరిగిందని, పండించిన ధాన్యాన్ని కేంద్ర ప్రభుత్వం కొనుగోలు చేయకపోవడం వల్ల రైతులు ఇబ్బందులు పడాల్సిన పరిస్థితి నెలకొందని ఆవేదన వ్యక్తం చేశారు. కార్యక్రమంలో ఎంపీపీలు విజయలక్ష్మి, గోవర్ధన్‌రెడ్డి, జడ్పీటీసీలు మాలతీ, గోవిందమ్మ, మున్సిపల్‌ చైర్‌పర్సన్‌ సాత విజయలక్ష్మి, వైస్‌ చైర్మన్‌ వెంకట్‌రాంరెడ్డి, టీఆర్‌ఎస్‌ పార్టీ అధ్యక్షుడు పెద్దోళ్ల ప్రభాకర్‌, గోపాల్‌, వాసుదేవ్‌కన్నా, మహిళా అధ్యక్షురాలు అనిత, మార్కెట్‌ కమిటీ చైర్మన్‌ బుచ్చిరెడ్డి, పీఏసీఎస్‌ చైర్మన్‌ శశిధర్‌రెడ్డి, గుడిమల్కాపూర్‌ మార్కెట్‌ మాజీ చైర్మన్‌ వెంకట్‌రెడ్డి, జిల్లా సర్పంచ్‌ల సంఘం అధ్యక్షుడు రవీందర్‌గౌడ్‌, నర్సింహారెడ్డి పాల్గొన్నారు.
• రైతుల పక్షాన బీజేపీ నాయకులు మాట్లాడరా ?
• ఎమ్మెల్యే వై. అంజయ్యయాదవ్‌
  షాద్‌నగర్‌/కేశంపేట/కొత్తూరు/కొందుర్గు/నందిగామ, డిసెంబర్‌20 : తెలంగాణ రాష్ట్ర రైతులపై కేంద్రం ప్రభుత్వం కక్ష కట్టిందని ఎమ్మెల్యే వై. అంజయ్యయాదవ్‌ తీవ్రస్థాయిలో మండిపడ్డారు. సీఎం కేసీఆర్‌ కృషి ఫలితంగా సాగునీరు ప్రాజెక్టుల ఫలాలతో రైతులు వడ్లను పండిస్తే కొనేందుకు కేంద్రం ముందుకు రాకపోవడం దురదృష్టకరమని దుయ్యబట్టారు. షాద్‌నగర్‌ పట్టణంలో నిర్వహించిన టీఆర్‌ఎస్‌, రైతుల నిరసన కార్యక్రమంలో ఆయన పాల్గొని మాట్లాడారు. రైతులను ఇబ్బందులకు గురిచేస్తే కేంద్రానికి ఏమి లాభమో చెప్పాలని డిమాండ్‌ చేశారు. రైతుల పక్షాన బీజేపీ నాయకులు ఎందుకు మాట్లాడటం లేదని ప్రశ్నించారు. కార్యక్రమంలో మున్సిపల్‌ చైర్మన్‌ కె. నరేందర్‌, వైస్‌ చైర్మన్‌ ఎంఎస్‌. నటరాజన్‌, జడ్పీటీసీ పి. వెంకట్రాంరెడ్డి, తాండ్ర విశాల, కేశంపేట ఎంపీపీ రవీందర్‌యాదవ్‌, మున్సిపల్‌ మాజీ చైర్మన్‌ అగ్గనూరు విశ్వం, కౌన్సిలర్లు కానుగు అంతయ్య, యుగేందర్‌, మీనా, లక్ష్మణ్‌ పాల్గొన్నారు.
  రైతులతో రాజకీయాలు చేస్తారా ?
  తెలంగాణ రాష్ట్ర రైతుల పట్ల కేంద్రం వ్యవహరిస్తున్న తీరును అన్ని వర్గాల రైతులు తీవ్రస్థాయిలో ఎండగట్టారు. టీఆర్‌ఎస్‌ పార్టీ ఆధ్వర్యలో నిర్వహించిన నిరసన కార్యక్రమాల్లో పాల్గొన్నారు. కొత్తూరు మండల కేంద్రంలో మున్సిపల్‌ చైర్మన్‌ దేవేందర్‌యాదవ్‌, కేశంపేట మండల కేంద్రంలో ఎంపీపీ వై. రవీందర్‌యాదవ్‌, కొందుర్గు మండల కేంద్రంలో వైస్‌ ఎంపీపీ రాజేశ్‌పటేల్‌, టీఆర్‌ఎస్‌ మండల అధ్యక్షుడు శ్రీధర్‌రెడ్డిల ఆధ్వర్యంలో గ్రామాల రైతులు, టీఆర్‌ఎస్‌ నాయకులు నిరసనలు తెలిపారు. దేశ ప్రధాని నరేంద్రమోదీ దిష్టి బొమ్మను దహనం చేశారు. కేంద్ర ప్రభుత్వం పనితీరును ఎండగట్టారు. గ్రామాల్లో డప్పుకొడుతు ర్యాలీలు నిర్వహించారు.