MSG | బుల్లితెరపై కూడా మెగాస్టార్ సునామీ.. ‘మన శంకరవరప్రసాద్ గారు’కి 14.2 టీఆర్పీ!

MSG | టాలీవుడ్ మెగాస్టార్ చిరంజీద‌వి నటించిన ‘మన శంకరవరప్రసాద్ గారు’ (MSG)సినిమా థియేటర్లలో సృష్టించిన సంచలనం గురించి ప్ర‌త్యేకంగా చెప్ప‌న‌క్క‌ర్లేదు. ఆ హ‌వా త‌గ్గ‌క‌ముందే ఇప్పుడు బుల్లితెరపై కూడా అదే జోరు కొనసాగిస్తోంది. దర్శకుడు అనీల్ రావిపూడి తెరకెక్కించిన ఈ ఫ్యామిలీ ఎంటర్‌టైనర్ ఇప్పటికే బాక్సాఫీస్ వద్ద భారీ విజయాన్ని అందుకుంది. ఇప్పుడు టెలివిజన్ ప్రీమియర్‌తో మరోసారి రికార్డు స్థాయి స్పందనను దక్కించుకుంది.

MSG | టాలీవుడ్ మెగాస్టార్ చిరంజీద‌వి నటించిన ‘మన శంకరవరప్రసాద్ గారు’ (MSG)సినిమా థియేటర్లలో సృష్టించిన సంచలనం గురించి ప్ర‌త్యేకంగా చెప్ప‌న‌క్క‌ర్లేదు. ఆ హ‌వా త‌గ్గ‌క‌ముందే ఇప్పుడు బుల్లితెరపై కూడా అదే జోరు కొనసాగిస్తోంది. దర్శకుడు అనీల్ రావిపూడి తెరకెక్కించిన ఈ ఫ్యామిలీ ఎంటర్‌టైనర్ ఇప్పటికే బాక్సాఫీస్ వద్ద భారీ విజయాన్ని అందుకుంది. ఇప్పుడు టెలివిజన్ ప్రీమియర్‌తో మరోసారి రికార్డు స్థాయి స్పందనను దక్కించుకుంది. ఇటీవల జీ తెలుగులో ప్రసారమైన ఈ చిత్రానికి ఏకంగా 14.2 టీఆర్పీ రేటింగ్ నమోదైంది. ఫిబ్రవరి 28న జరిగిన వరల్డ్ టెలివిజన్ ప్రీమియర్‌కు ప్రేక్షకుల నుంచి అద్భుతమైన స్పందన లభించింది. ఈ రేటింగ్ చూస్తే మెగాస్టార్ క్రేజ్ వెండితెరపైనే కాదు.. బుల్లితెరపైనా ఎంతగా ఉందో స్పష్టమవుతోంది. థియేటర్లకు వెళ్లలేకపోయిన ఫ్యామిలీ ఆడియన్స్ టీవీ ద్వారా ఈ సినిమాను ఆస్వాదించడం ఈ రేటింగ్‌కు ప్రధాన కారణంగా భావిస్తున్నారు.

ఈ ఏడాది సంక్రాంతి సందర్భంగా విడుదలైన ఈ చిత్రం బాక్సాఫీస్ వద్ద కూడా భారీ విజయాన్ని అందుకుంది. ప్రపంచవ్యాప్తంగా దాదాపు రూ.300 కోట్లకు పైగా గ్రాస్ వసూళ్లు సాధించి ట్రేడ్ వర్గాలను ఆశ్చర్యపరిచింది. మెగాస్టార్ కెరీర్‌లోనే కాకుండా దర్శకుడు అనిల్ రావిపూడి కెరీర్‌లో కూడా ఇది బిగ్గెస్ట్ హిట్‌గా నిలిచింది. థియేటర్లలో సక్సెస్ సాధించిన తర్వాత ఈ సినిమా ఓటీటీ ప్లాట్‌ఫారమ్ ZEE5లో విడుదలై అక్కడ కూడా భారీ వ్యూస్ సాధించింది. ఇప్పుడు టెలివిజన్‌లో కూడా అదే స్థాయిలో ప్రేక్షకులను అలరిస్తూ మూడు ప్లాట్‌ఫారమ్‌ల్లో హ్యాట్రిక్ విజయాన్ని నమోదు చేసింది.

దర్శకుడు అనిల్ రావిపూడి మార్క్ కామెడీ, చిరంజీవి ప్రత్యేక మేనరిజమ్స్ ఈ సినిమాకు ప్రధాన ఆకర్షణగా నిలిచాయి. గత కొంతకాలంగా మెగాస్టార్ నుంచి ఒక పక్కా మాస్ అండ్ ఫ్యామిలీ ఎంటర్‌టైనర్ కోసం ఎదురుచూస్తున్న అభిమానులకు ఈ సినిమా నిజంగా ఒక పండుగలా అనిపించింది. కామెడీతో పాటు భావోద్వేగాలను కూడా సమానంగా మేళవించడం సినిమా విజయానికి కీలక కారణమైంది. ఈ భారీ విజయంపై దర్శకుడు అనిల్ రావిపూడి సోషల్ మీడియా వేదికగా స్పందిస్తూ ప్రేక్షకులకు కృతజ్ఞతలు తెలిపారు. థియేటర్లలో చూపించిన అదే ఉత్సాహాన్ని బుల్లితెరపై కూడా కొనసాగించినందుకు ఆయన ఆనందం వ్యక్తం చేశారు. ప్రస్తుత కాలంలో పెద్ద సినిమాలు విడుదలైన కొద్ది రోజుల్లోనే టీవీల్లో ప్రసారం అవుతున్నప్పటికీ, ఇలాంటి పోటీ పరిస్థితుల్లో 14.2 టీఆర్పీ సాధించడం చిన్న విషయం కాదని సినీ విశ్లేషకులు అంటున్నారు. సోషల్ మీడియాలో కూడా ఈ రేటింగ్స్ గురించి పెద్ద ఎత్తున చర్చ జరుగుతోంది. చిరంజీవి తన వింటేజ్ లుక్, టైమింగ్‌తో మరోసారి ప్రేక్షకులను ఆకట్టుకున్నారని నెటిజన్లు కామెంట్లు చేస్తున్నారు.