త్యాగనిరతిని స్మరిస్తూ..

ఇస్లామీయ చరిత్రలో ఎంతో పవిత్రత, ప్రాధాన్యం ఉన్న యౌమె ఆషూరా రోజునే హజ్రత్‌ ఇమామె హుసైన్‌ (రజి) అమరులయ్యారు. వందల సంవత్సరాల క్రితం న్యాయం కోసం, ధర్మం కోసం, ప్రజాస్వామ్య పరిరక్షణ కోసం ఆయన పరివారమంతా ‘కర్బాలా’ మైదానంలో ప్రాణాలను పణంగా పెట్టి వీరోచితంగా పోరాడింది.

• బుధవారం మొహర్రం

ఇస్లామీయ చరిత్రలో ఎంతో పవిత్రత, ప్రాధాన్యం ఉన్న యౌమె ఆషూరా రోజునే హజ్రత్‌ ఇమామె హుసైన్‌ (రజి) అమరులయ్యారు. వందల సంవత్సరాల క్రితం న్యాయం కోసం, ధర్మం కోసం, ప్రజాస్వామ్య పరిరక్షణ కోసం ఆయన పరివారమంతా ‘కర్బాలా’ మైదానంలో ప్రాణాలను పణంగా పెట్టి వీరోచితంగా పోరాడింది. కర్బలా ఘటన మనకు త్యాగస్ఫూర్తి పాఠాన్ని నేర్పుతుంది. దుర్మార్గాలపై, దౌర్జన్యాలపై రాజీలేని పోరాటాలు చేయాలని తెలుపుతుంది. ఆనాటి ఘటనను తలుచుకుంటూ ముస్లింలు మొహర్రం జరుపుకొంటారు. ఇమామెహుసైన్‌ (రజి) త్యాగస్ఫూర్తిని స్మరించుకుంటారు.

ఇమామ్‌ హుసైన్‌ (రజి) సూక్తులు..

• ప్రపంచంలోనే స్వర్గాన్ని చూడాలనుకుంటే.. మీ అమ్మ ఒడిలో తలపెట్టి పడుకోండి.
• నేలపై వినమ్రంగా జీవించండి. చనిపోయాక నేలకింద హాయిగా ఉండవచ్చు.
• ఏ దిక్కూ లేని వారికి దేవుడే దిక్కు. అలాంటి వారిపై దౌర్జన్యం చేయకండి.
• నాకు స్వర్గ కాంక్ష కన్నా నమాజ్‌ అంటే ఎంతో ఇష్టం. ఎందుకంటే నమాజ్‌ అల్లాహ్‌కు ఎంతో ప్రీతి.
• ఈ దేహానికి మరణం తప్పదు. అలాంటప్పుడు ఈ జీవితాన్ని ప్రసాదించిన ఆ దైవం కోసం ప్రాణాలర్పించడమే మేలు.
• మిమ్మల్ని చెడు నుంచి వారించే వారే మీ నిజమైన శ్రేయోభిలాషి.
• మీ మనో న్యాయస్థానంలోకి వెళుతూ ఉండండి. ఎందుకంటే అక్కడ తప్పుడు తీర్పులు జరగవు.
• దైవదాస్యం చేసేవారికి ఈ ప్రపంచంలో ప్రతిదీ బానిసవుతుంది. దైవభీతితో గౌరవమర్యాదలను సాధించండి.
• దౌర్జన్యానికి వ్యతిరేకంగా పోరాడటంలో ఎంత అలక్ష్యం చేస్తావో… అంతే త్యాగం చేయాల్సి ఉంటుంది.
• ఏకాంతంలో ఉన్నప్పుడు పవిత్ర భావాలు గలిగినవాడే నిజమైన ముస్లిం.