Vinayaka Chavithi | ఈ వినాయక చ‌వితికి ఇలా డిఫ‌రెంట్‌గా ఉండ్రాళ్లు చేసుకోండి
Ganesh Chaturthi | వినాయక చవితి ( Vinayaka Chavithi ) అనగానే గుర్తొచ్చేది.. ఉండ్రాళ్లే (మోదకం). బొజ్జ గణపయ్యకు ఎంతో ఇష్టమైన ప్రసాదమిది. వీటిని రకరకాలుగా తయారుచేసి నివేదిస్తారు. స్వామికి సమర్పించే నైవేద్యాన్ని అంతిమంగా తినేది మనమే కాబట్టి, నైవేద్యాల తయారీ మీద మన అభిరుచులు, అభిప్రాయాల ప్రభావమూ ఉండి తీరుతుంది. అసలే ఊబకాయాలు, అధిక రక్తపోట్లు రాజ్యమేలుతున్న కాలం. ఏదో ఓ ఆహార విధానాన్ని అనుసరించాల్సిందే. అలాంటి వారికోసం వినూత్నమైన మోదక్‌లను తయారు చేస్తున్నారు పాకశాస్త్ర నిపుణులు.
పిల్లలు ఇష్టపడేలా జెల్లీ, చాక్లెట్‌, స్వీట్‌, ఐస్‌క్రీమ్‌ మోదక్‌లు అందుబాటులోకి వచ్చాయి. వేగన్‌ డైట్‌ పాటించేవారి కోసమే వాల్‌నట్స్‌, బాదం, ఖర్జూరాలు, కొబ్బరి, బెల్లంతో చేసే డ్రైఫ్రూట్‌ మోదక్‌లు ఉన్నాయి. గ్లూటెన్‌ ఫ్రీ డైట్‌ ఫాలో అవుతున్న వారికోసం కేసర్‌ మోదక్‌, వాల్‌నట్‌-బెల్లం మోదక్‌, ఓట్స్‌-బెల్లం మోదక్‌ మిఠాయి దుకాణాల్లో లభిస్తున్నాయి. పాలు, ధాన్యం వాడకుండా కాజూ-కారమెల్‌, రోజ్‌-బటర్‌స్కాచ్‌, చాక్లెట్‌ మోదక్‌లనూ తయారు చేస్తున్నారు. కీటో డైట్‌ అనుసరించే వారి కోసం కేసర్‌ పిస్తా, బాదం పిస్తా, డార్క్‌ చాక్లెట్‌, ఆల్మండ్‌.. ఇలా రకరకాల మోదక్‌లు సిద్ధం. బీపీ, షుగర్‌ జాన్తానై అంటూ.. చక్కెర మిఠాయిలను ఇష్టపడేవారికోసం మోతీచూర్‌ మోదక్‌, కోవా మోదక్‌, ఓరియో మోదక్‌, న్యూటెల్లా చాక్లెట్‌ మోదక్‌, బాసిల్‌ గుల్‌ఖండ్‌ మోదక్‌, పనీర్‌ మోదక్‌.. తయార్‌. వినాయకుడు భక్త వత్సలుడు. ప్రసాదంలోని తీపి కంటే, మనసులోని భక్తే ముఖ్యమని అనుకుంటాడు.
Read More :
“గణపతికి కుడుములు, ఉండ్రాళ్లు నైవేద్యంగా ఎందుకు సమర్పిస్తారు? “
Ganesh Chaturthi 2022 | గ‌ణేశుడికి గ‌రిక అంటే ఎందుకంత ఇష్టం?
Read Today's Latest Devotional News in Telugu and Telugu News
- Follow Us :
-
