Road accident : మూడు రోజుల్లో పెళ్లి అంతలోనే విషాదం..

Road accident | అనంతపురం మండలం కదిరి మండలంలో హృదయ విదారక ఘటన జరిగింది. మరో మూడు రోజుల్లో పెళ్లి పీటలు ఎక్కాల్సిన యువకుడు రోడ్డు ప్రమాదంలో ప్రాణాలు కోల్పోయాడు.

అమరావతి : అనంతపురం మండలం కదిరి మండలంలో హృదయ విదారక ఘటన జరిగింది. మరో మూడు రోజుల్లో పెళ్లి పీటలు ఎక్కాల్సిన యువకుడు రోడ్డు ప్రమాదంలో ప్రాణాలు కోల్పోయాడు. వివరాలివి.. కదిరి మండలం ఎర్రదొడ్డి గ్రామానికి మహేశ్‌ (26)కు ఇటీవల వివాహం నిశ్చయమైంది. ఈ 27న వివాహం జరగాల్సి ఉంది. ఈ క్రమంలో బంధువులకు పెండ్లి పత్రికలు పంచేందుకు మహేశ్‌ ఈ ఉదయం బైక్‌పై వెళ్తుండగా ఎరుకులవాండ్లపల్లి శివారులో గుర్తుతెలియని వాహనం ఢీకొట్టింది. ప్రమాదంలో తీవ్రంగా గాయపడిన మహేశ్‌ ఘటనాస్థలంలోనే ప్రాణాలు కోల్పోయాడు. విషయం తెలుసుకున్న పోలీసులు ఘటనాస్థలాన్ని పరిశీలించారు. మృతదేహాన్ని పోస్టుమార్టం నిమిత్తం కదిరి ప్రభుత్వ దవాఖానకు తరలించారు.