Activa bike theft | షాపు ముందు పార్క్​‍ చేసిన యాక్టివాబైక్‌ మాయం

|

బంజారాహిల్స్ : షాపు ముందు పార్కింగ్‌ చేసిన యాక్టివా బైక్‌ చోరీకి గురయిన ఘటన బంజారాహిల్స్​‍ పీఎస్ పరిధిలో చోటు చేసుకుంది. పోలీసులు తెలిపిన వివరాల ప్రకారం.. దారుషఫా ప్రాంతంలోని నూర్‌ఖాన్‌ బజార్‌కు చెందిన డి.ప్రకాష్‌ అనే వ్యక్తి బంజారాహిల్స్​‍ రోడ్‌ నెం 10లోని ఇన్‌కంటాక్స్​​‍ కాలనీకి ఎదురుగా టిక్‌టాక్‌ పేరుతో డ్రైక్లీనింగ్‌ షాపు నడిపిస్తు న్నాడు.

ఈ నెల 26న మధ్యాహ్నం 12.30 ప్రాంతంలో తన యాక్టివా బైక్ (టీఎస్ 11 ఈఆర్‌ 8522)ను షాపు ముందు పార్క్​‍ చేశాడు. సాయంత్రం బయటకు వచ్చి చూడగా పార్కింగ్‌ చేసిన యాక్టివా బైక్‌ కనిపించలేదు. అన్ని ప్రాంతాల్లో గాలించినా లాభం లేకపోవడంతో ఆదివారం బాధితుడు ప్రకాష్‌ బంజారాహిల్స్​‍ పోలీసులకు ఫిర్యాదు చేశాడు. ఈ మేరకు పోలీసులు కేసు నమోదు చేసి దర్యాప్తు చేపట్టారు.