నారాయ‌ణ‌పేట జిల్లాలో ఘోర రోడ్డుప్ర‌మాదం.. ముగ్గురు మృతి

నారాయ‌ణ‌పేట : కోస్గి మండ‌లం గుండుమాల్ వ‌ద్ద మంగ‌ళ‌వారం రాత్రి ఘోర రోడ్డుప్ర‌మాదం జ‌రిగింది. ఆర్టీసీ బ‌స్సు – బైక్ ఢీకొన్నాయి. ఈ ప్ర‌మాదంలో బైక్‌పై ప్ర‌యాణిస్తున్న ముగ్గురు యువ‌కులు అక్క‌డిక‌క్క‌డే ప్రాణాలు కోల్పోయారు. స‌మాచారం అందుకున్న పోలీసులు ఘ‌ట‌నాస్థ‌లికి చేరుకున్నారు. మృత‌దేహాల‌ను స్వాధీనం చేసుకుని పోస్టుమార్టం నిమిత్తం ప్ర‌భుత్వ ఆస్ప‌త్రికి త‌ర‌లించారు. మృతుల‌ను వెంక‌టేశ్‌(25), బ్ర‌హ్మం(25), శ్రీను(25)గా పోలీసులు గుర్తించారు. కేసు న‌మోదు చేసుకున్న పోలీసులు ద‌ర్యాప్తు చేప‌ట్టారు. మృతుల నివాసాల్లో విషాద‌ఛాయ‌లు అలుముకున్నాయి.