Vyooham | తెర వెనక వ్యూహాలను చూపించాం

ఏపీ ముఖ్యమంత్రి వై.యస్‌.జగన్మోహన్‌ రెడ్డి రాజకీయ జీవితంలోని సంఘటనల ఆధారంగా ప్రముఖ దర్శకుడు రామ్‌గోపాల్‌వర్మ తెరకెక్కించిన చిత్రం ‘వ్యూహం’. రామదూత క్రియేషన్స్‌ పతాకంపై దాసరి కిరణ్‌ కుమార్‌ నిర్మించారు. వై.యస్‌.జగన్‌ పాత్రలో అజ్మల్‌ నటించారు.

ఏపీ ముఖ్యమంత్రి వై.యస్‌.జగన్మోహన్‌ రెడ్డి రాజకీయ జీవితంలోని సంఘటనల ఆధారంగా ప్రముఖ దర్శకుడు రామ్‌గోపాల్‌వర్మ తెరకెక్కించిన చిత్రం ‘వ్యూహం’. రామదూత క్రియేషన్స్‌ పతాకంపై దాసరి కిరణ్‌ కుమార్‌ నిర్మించారు. వై.యస్‌.జగన్‌ పాత్రలో అజ్మల్‌ నటించారు. నవంబర్‌ 10న ఈ చిత్రం విడుదలకానుంది. శుక్రవారం ట్రైలర్‌ను ఆవిష్కరించారు.

రామ్‌గోపాల్‌వర్మ మాట్లాడుతూ ‘ఒక పెద్ద సంఘటన జరిగినప్పుడు దాని వెనక ఎన్నో పరిణామాలు చోటుచేసుకుంటాయి. అవన్నీ బయటి ప్రపంచానికి తెలియవు. అలాంటి విషయాలను ఈ సినిమాలో చూపించాను. నేను సేకరించిన సమాచారాన్ని ప్రేక్షకులకు నచ్చే సినిమాటిక్‌ ఫార్మాట్‌లో తెరకెక్కించాను’ అని చెప్పారు. జగన్‌ రాజకీయ జీవితంలోని ఆసక్తికరమైన సంఘటనలను తీసుకొని ఈ సినిమా చేశామని నిర్మాత పేర్కొన్నారు. ఈ సినిమాతో పాటు తాను ‘శపథం’ అనే మరో చిత్రాన్ని తెరకెక్కించానని, జనవరి 25న విడుదలవుతుందని రామ్‌గోపాల్‌వర్మ తెలిపారు.