Vishwak Sen | తెలుగులో ఆ లోటును భర్తీ చేశా.. విశ్వక్‌సేన్‌ ఇంట్రెస్టింగ్‌ కామెంట్స్‌

Vishwak Sen | ‘లైలా’ కథ వింటున్నప్పుడు చాలా ఎంజాయ్‌ చేశాను. నా నవ్వులను ప్రేక్షకులకు కూడా అందిస్తే బాగుంటుంది కదా అనిపించింది. సాధారణంగా నేను కథల్ని సీరియస్‌గా వింటా. కానీ ఈ స్టోరీ వింటూ నవ్వుతూనే ఉన్నా’ అన్నారు విశ్వక్‌సేన్‌.

Vishwak Sen | ‘లైలా’ కథ వింటున్నప్పుడు చాలా ఎంజాయ్‌ చేశాను. నా నవ్వులను ప్రేక్షకులకు కూడా అందిస్తే బాగుంటుంది కదా అనిపించింది. సాధారణంగా నేను కథల్ని సీరియస్‌గా వింటా. కానీ ఈ స్టోరీ వింటూ నవ్వుతూనే ఉన్నా’ అన్నారు విశ్వక్‌సేన్‌.

ఆయన కథానాయకుడిగా నటించిన ‘లైలా’ చిత్రం ఈ నెల 14న ప్రేక్షకుల ముందుకురానుంది. రామ్‌నారాయణ్‌ దర్శకుడు. సాహు గారపాటి నిర్మాత. ఈ సినిమాలో విశ్వక్‌సేన్‌..సోనూమోడల్‌, లైలాగా డిఫరెంట్‌ గెటప్స్‌లో కనిపించనున్నారు. ఈ సందర్భంగా బుధవారం విశ్వక్‌సేన్‌ పాత్రికేయులతో ముచ్చటిస్తూ పంచుకున్న విశేషాలు..

• భామనే సత్యభామనే, మేడం, చిత్రం భళారే విచిత్రం, రెమో సినిమాలు చూసినప్పుడు ఆర్టిస్టుగా అలాంటి పాత్రలు చేయాలనిపించేది. ఈ తరహా సినిమాలు రాక చాలా రోజులవుతున్నది. తెలుగులో ఓ హీరో అమ్మాయి పాత్ర చేసి చాలా ఏళ్లయింది. నేను ఆ లోటుని భర్తీ చేశాననే సంతృప్తి ఉంది.
• సినిమాలో నాకు ఇష్టమైన పాత్ర లైలానే. అయితే సోనూ క్యారెక్టర్‌ను కూడా ప్రేక్షకులు ప్రేమిస్తారు. ఫస్టాఫ్‌లో సోనూ మోడల్‌ లైఫ్‌ైస్టెల్‌ చక్కటి వినోదాన్ని పండిస్తుంది. మూడు సమస్యల కారణంగా సోనూ లైలాగా మారాల్సి వస్తుంది. ఆ ఇష్యూస్‌ ఏమిటో తెరపై చూస్తేనే థ్రిల్లింగ్‌గా ఉంటుంది.
• లేడీ గెటప్‌ మేకప్‌ కోసం రెండున్నర గంటల టైమ్‌ పట్టేది. లుక్‌ చాలా సహజంగా అనిపించేలా మేకప్‌ ఆర్టిస్ట్‌ విక్కీ చాలా శ్రద్ధ తీసుకున్నాడు. ట్రైలర్‌లో అడల్ట్‌ కంటెంట్‌ ఉందనే కామెంట్స్‌ విన్నాను. ఈ సినిమాలో అలాంటి అంశాలు ఏమీ ఉండవు. వాస్తవానికి అది అందరినీ నవ్వించే యూత్‌ఫుల్‌ ఫన్‌ కంటెంట్‌.
• ఈ సినిమా కోసం ఓ పాట రాశాను. ‘నేను రాస్తాను. బాగుంటే వాడుకోండి’ అని దర్శకుడితో చెప్పాను. ఆయనకు బాగా నచ్చడంతో పాట ఓకే అయింది. నాకు మాటలు, పాటలు రాయడం అంటే చాలా ఇష్టం. ఈ సినిమాకు కథానుగుణంగా మంచి సంగీతం కుదిరింది. లియోన్స్‌ జేమ్స్‌ స్వరపరచిన పాటలు మంచి హిట్‌ అయ్యాయి.
• లైలా గెటప్‌లో నన్ను చూసిన మా ఫ్యామిలీ మెంబర్స్‌ చాలా ఎంజాయ్‌ చేశారు. నవ్వులతో పాటు కొన్ని వెక్కిరింతలు కూడా చేశారు. ఇంట్లో వాళ్లు చేసే ఎంజాయ్‌ వేరే లెవల్‌లో ఉంటుంది. ప్రీరిలీజ్‌ ఈవెంట్‌లో చిరంజీవిగారు ‘లైలా పాత్రని చూస్తే నాకే కొరకాలనిపిస్తుంది’ అని సరదాగా అన్నారు. ఈ సినిమా విషయంలో అదే బెస్ట్‌ కాంప్లిమెంట్‌. ‘లైలా’ నా కెరీర్‌లో గుర్తుండిపోయే సినిమా అవుతుంది.
• నేను హారర్‌ సినిమా చేసే ఛాన్స్‌ అస్సలు లేదు. ఎందుకంటే ఇప్పటివరకు ఏ హారర్‌ సినిమా నన్ను భయపెట్టలేకపోయింది. స్మశానం లేదా ఏదైనా హాంటింగ్‌ హౌజ్‌కు రాత్రి ఒంటరిగా వెళ్లి పడుకొని రమ్మంటే వెళ్లి వస్తా. నేను భయపడను కాబట్టి ఆ ఎమోషన్‌ను న్యాయం చేయలేను. అందుకే హారర్‌ సినిమా చేయలేనని చెబుతున్నా. నా తదుపరి చిత్రం ‘ఫంకీ’ త్వరలో ప్రారంభమవుతుంది.