Vikram Vedha Movie Enter’s 100 Crore Club | బాలీవుడ్ స్టార్స్ హృతిక్ రోషన్, సైఫ్ అలీఖాన్ ప్రధాన పాత్రల్లో నటించిన లేటెస్ట్ చిత్రం ‘విక్రమ్ వేద’. తమిళంలో సూపర్ హిట్టయిన ‘విక్రమ్ వేద’ చిత్రానికి రీమేక్గా ఈ సినిమా తెరకెక్కింది. ఒరిజినల్ వెర్షన్ను తెరకెక్కించిన పుష్కర్- గాయత్రి హందీ రీమేక్ను కూడా తెరకెక్కించారు. భారీ అంచనాల నడుమ సెప్టెంబర్ 30న విడుదలైన ఈ చిత్రం మొదటి షో నుండి పాజిటీవ్ టాక్ తెచ్చుకుని బాక్సాఫీస్ దగ్గర దూసుకుపోతుంది. ఈ చిత్రంలో హృతిక్, సైఫ్ అలీఖాన్ ఒకరితో ఒకరు పోటీ పడి నటించారు. అంతేకాకుండా చాలా కాలం తర్వాత హృతిక్ సినిమా రావడంతో అభిమానులు థియేటర్లకు పరుగులు తీశారు. ఇదిలా ఉంటే తాజాగా ఈ చిత్రం ఓ మైల్స్టోన్ను సాధించింది.
విక్రమ్ వేద చిత్రం లేటెస్ట్గా రూ.100 కోట్ల క్లబ్లోకి ఎంట్రీ ఇచ్చింది. అయితే ఈ చిత్రానికి సుమారుగా రూ.175 కోట్ల వరకు బడ్జెట్ అయింది. బ్రేక్ ఈవెన్ కోసం రూ.180 కోట్ల వరకు సాధించాల్సి ఉంటుంది. ఇప్పుడున్న జోరులో ఈ సినిమా బ్రేక్ ఈవెన్ సాధించడం కష్టంగానే కనిపిస్తుంది. విక్రమ్, భేతాలుడు కథలను బేస్ చేసుకుని తెరకెక్కిన ఈ గ్యాంగ్ స్టర్ డ్రామాలో హృతిక్.. వేద పాత్రలో గ్యాంగ్స్టార్గా నటించగా, సైఫ్ ఆలీఖాన్.. విక్రమ్ పాత్రలో పోలీస్ ఆఫిసర్గా నటించాడు. ఈ రీమేక్ చిత్రాన్ని రిలయన్స్ ఎంటర్టైనమెంట్స్, టీ-సిరిస్ ఫిలింస్, ఫ్రైడే ఫిలిం వర్క్స్ సంయుక్తంగా ఈ చిత్రాన్ని నిర్మించాయి. ఈ చిత్రంలో సైఫ్ అలీఖాన్కు జోడీగా రాధికా ఆప్టే నటించింది.
Read Also:
Kantara Movie | తెలుగులో రిలీజ్ కానున్న.. కన్నడ రీసెంట్ బ్లాక్ బస్టర్ మూవీ?
Salaar | ప్రభాస్ అభిమానులకు క్రేజీ న్యూస్.. ‘సలార్’ టీజర్ వచ్చేది అప్పుడేనట?
Vijay DevaraKonda | యూత్ ఐకాన్గా రౌడీ బాయ్ విజయ్ దేవరకొండ..!
Prabhas | రీ-రీలీజ్కు రెడీ అవుతున్న ప్రభాస్ ఫ్లాప్ మూవీ?