Ranabaali | యూట్యూబ్‌లో రికార్డులు సృష్టిస్తున్న విజయ్ దేవరకొండ ‘రణబాలి’ ట్రైలర్!

Vijay Deverakonda | విజయ్ దేవరకొండ, రష్మిక మందన్న జంటగా నటించిన మోస్ట్ అవేటెడ్ పీరియడ్ యాక్షన్ డ్రామా ‘రణబాలి’ ట్రైలర్ యూట్యూబ్‌లో విడుదలైనప్పటి నుంచీ రికార్డులతో దూసుకుపోతోంది.

Vijay Deverakonda | విజయ్ దేవరకొండ, రష్మిక మందన్న జంటగా నటించిన మోస్ట్ అవేటెడ్ పీరియడ్ యాక్షన్ డ్రామా ‘రణబాలి’ ట్రైలర్ యూట్యూబ్‌లో విడుదలైనప్పటి నుంచీ రికార్డులతో దూసుకుపోతోంది. ఈ ట్రైల‌ర్ విడుద‌లై 24 గంట‌లు గ‌డ‌వ‌క‌ముందే 4.5 మిలియన్ వ్యూస్ దాటింది. రాహుల్ సంకృత్యన్ దర్శకత్వంలో తెరకెక్కిన ఈ చిత్రం 1854 – 1878 మధ్య కాలంలో రాయలసీమ ప్రాంత కరువు నేపథ్యంలో బ్రిటిష్ పాలకుల దౌర్జన్యాలు, వారి హయాంలో జరిగిన వాస్తవ సంఘటనల ఆధారంగా రాబోతుంది.

ఈ చిత్రంలో ‘శింగనమల బొబ్బిలి రణబాలి’ అనే పవర్‌ఫుల్ తిరుగుబాటు యోధుడి పాత్రలో విజయ్ దేవరకొండ విశ్వరూపం చూపించారు. ఆయన భార్య ‘జయమ్మ’ పాత్రలో రష్మిక మందన్న నటించగా, వీరిద్దరి మధ్య వచ్చే సన్నివేశాలు మరియు పోరాట ఘట్టాలు ట్రైలర్‌లో హైలైట్‌గా నిలిచాయి. అలాగే ప్రముఖ హాలీవుడ్ నటుడు ఆర్నాల్డ్ వోస్లూ ఈ చిత్రంలో సర్ థియోడర్ హెక్టర్ అనే బ్రిటిష్ విలన్ పాత్రలో నటించారు. ఈ భారీ పీరియడ్ మూవీ దసరా కానుకగా అక్టోబర్ 16న తెలుగుతో పాటు హిందీ, తమిళ, కన్నడ, మలయాళ భాషల్లో ప్రపంచవ్యాప్తంగా గ్రాండ్‌గా విడుదలకు సిద్ధమవుతోంది.