న్యూఏజ్‌ థ్రిల్లర్‌ సరస్వతి

విభిన్న కథాంశాలను ఎంచుకుంటూ, పాత్రలపరంగా ప్రయోగాలకు ఎప్పుడూ సిద్ధంగా ఉంటుంది వరలక్ష్మి శరత్‌కుమార్‌. ఆమె ఇప్పుడు దర్శకురాలిగా సరికొత్త బాధ్యతను తీసుకుంది.

విభిన్న కథాంశాలను ఎంచుకుంటూ, పాత్రలపరంగా ప్రయోగాలకు ఎప్పుడూ సిద్ధంగా ఉంటుంది వరలక్ష్మి శరత్‌కుమార్‌. ఆమె ఇప్పుడు దర్శకురాలిగా సరికొత్త బాధ్యతను తీసుకుంది. స్వీయ దర్శకత్వంలో తన సోదరి పూజా శరత్‌కుమార్‌తో కలిసి న్యూఏజ్‌ థ్రిల్లర్‌ ‘సరస్వతి’లో నటిస్తున్నది. ఈ సినిమాకు నిర్మాతలు కూడా వారిద్దరే కావడం విశేషం.

షూటింగ్‌ పూర్తయిన సందర్భంగా వరలక్ష్మి శరత్‌కుమార్‌ సోషల్‌మీడియా ద్వారా ఓ ఫొటోను పంచుకుంది. హై కాన్సెప్ట్‌ థ్రిల్లర్‌ చిత్రమిదని, ఇన్నోవేటివ్‌ పాయింట్‌తో ఆకట్టుకుంటుందని చెప్పింది. జీవా, ప్రకాష్‌రాజ్‌, నాజర్‌, ప్రియమణి తదితరులు నటిస్తున్న ఈ చిత్రానికి సంగీతం: తమన్‌, దర్శకత్వం: వరలక్ష్మి శరత్‌కుమార్‌.