Uma Devi: చిన్నారి వైద్యానికి పెద్ద సాయం చేసిన బిగ్ బాస్ కంటెస్టెంట్

నాకు ఒకరు ఎదురొచ్చినా వాళ్ల‌కే రిస్క్, నేను ఒకరికి ఎదురెళ్లినా వాళ్లకే రిస్కు.. అన్న చందాన బిగ్ బాస్ హౌజ్‌లో దూసుకెళ్లింది ఉమాదేవి. ఒక్కొక్క‌రికి వ‌ణుకు పుట్టిస్తూ రెండువారాలు సంద‌డి చేసిన ఉమాదేవి హౌజ్ నుండి రెండో వారం ఎలిమినేట్ అయింది. సిరి, యానీ మాస్టర్‌, షణ్ముఖ్‌, విశ్వ.. రెండోవారంలో ఉమాదేవిని నామినేట్ చేయ‌గా, ప్రేక్ష‌కులు కూడా ఉమాదేవికి త‌క్కువ ఓట్లు వేసి బ‌య‌ట‌కు పంపారు.

ప్రతి కంటెస్టెంట్‌తో కయ్యానికి కాలు దువ్వడమే కాక నోటికొచ్చిన బూతులు మాట్లాడటమే ఆమెను హౌజ్ నుండి బ‌య‌ట‌కు వ‌చ్చేలా చేసింద‌ని కొంద‌రి వాద‌న‌. అయితే మొదటి వారంలో అందరినీ బెదరగొట్టిన ఉమా, రెండో వారంలో మాత్రం తన రూటు మార్చుకుని లోబోతో కామెడీ చేస్తూ అదరగొట్టింది. అయితే రెండు వారాలు హౌస్‌లో సందడి చేసిన ఉమాదేవి పారితోషికంగా ల‌క్షా అర‌వై వేల రూపాయ‌లు తీసుకుంద‌ని టాక్.

బిగ్‌బాస్‌ ద్వారా తనకు వచ్చిన పారితోషికంలోని కొంత మొత్తాన్ని బోన్‌ క్యాన్సర్‌తో బాధపడుతున్న చిన్నారిని ఆదుకునేందుకు ఇచ్చింద‌ట‌. ఉమా దేవి దాతృత్వం గురించి తెలుసుకున్న నెటిజ‌న్స్ ఆమెపై ప్ర‌శంస‌ల జ‌ల్లు కురిపిస్తున్నారు. కాగా, ‘కార్తీకదీపం’ భాగ్యగా ఎంతగానో ఫేమస్‌ అయిన ఉమాదేవి బిగ్ బాస్ షోతో మ‌రింత పాపులారిటీ ద‌క్కించుకుంది.