స‌ల్మాన్ మూవీ సెట్ కూల్చివేసే ఆలోచ‌న‌లో చిత్ర బృందం

బాలీవుడ్ కండ‌ల వీరుడు స‌ల్మాన్ ఖాన్ రీసెంట్‌గా రాధే అనే సినిమాతో ప్రేక్ష‌కుల ముందుకు వ‌చ్చిన సంగ‌తి తెలిసిందే. క‌రోనా వ‌ల‌న ఈ సినిమా ఓటీటీలో విడుద‌లైంది. ఇక ఆయ‌న న‌టిస్తున్న మ‌రో చిత్రం టైగ‌ర్ 3 సెట్స్ పై ఉంది. ఈ సినిమాకి సంబంధించిన షూటింగ్ గ‌త ఏడాది మార్చిలో మొద‌లైంది. కొన్ని రోజుల చిత్రీక‌ర‌ణ త‌ర్వాత మూవీ షూటింగ్ ఆగింది. గుర్గావ్‌లో ప్ర‌త్యేకంగా సెట్ వేయ‌గా, ఇప్పుడు ఆ సెట్ తౌటే తుపాను దెబ్బ‌కు పాక్షికంగా దెబ్బ‌తింది.

క‌రోనా వ‌ల‌న టైగ‌ర్ సినిమా షూటింగ్‌కు తాత్కాలిక బ్రేక్ ప‌డ‌గా, ఇప్ప‌ట్లో షూటింగ్ మ‌ళ్లీ మొద‌ల‌య్యే సూచ‌న‌లు క‌నిపించ‌డం లేదు. వ‌ర్షాలు మ‌ళ్లీ మొద‌లయ్యాయి. సెట్ అప్ప‌టి వ‌ర‌కు ఎలా ఉంటుందో ఏమో అని భావించిన మేక‌ర్స్ పాత సెట్‌ని పూర్తిగా కూల్చివేసి కొత్త సెట్‌ను నిర్మించేందుకు ప్ర‌ణాళిక‌లు ర‌చిస్తున్నార‌ట‌. ఇటీవ‌ల అజ‌య్ దేవ‌గ‌ణ్ మూవీ మైదాన్, ఛ‌త్ర‌ప‌తి రీమేక్ సినిమాల కోసం వేసిన సెట్స్ కూడా తుపాను ధాటికి చెల్లా చెద‌రు అయిన విష‌యం తెలిసిందే.

ఇవి కూడా చదవండి..

బలవంతపు ఆమోదం కోసమే..

ఫేక్‌ న్యూస్‌పై ఫిర్యాదుకు 87997 11259

నేడు రక్షణశాఖ సమావేశం.. ప్రాజెక్టు-75పై చర్చ

నేటి నుంచి తిరుమలలో హనుమాన్‌ జయంతి ఉత్సవాలు

ఫ్యాక్టరీ నుంచి గ్యాస్‌ లీక్‌.. భయాందోళనకు గురైన స్థానికులు

కరోనాతో 624 మంది వైద్యుల మృతి