Thimmarajupalli TV | ఆహాలోకి వచ్చిన ‘తిమ్మరాజుపల్లి టీవీ’.. గోల్డ్ సబ్‌స్క్రైబర్లకు ముందస్తు స్ట్రీమింగ్!

Thimmarajupalli TV | తెలుగు ఓటీటీ ప్రేక్షకులకు ప్రముఖ ప్లాట్‌ఫామ్ ఆహా మరో ఇంట్రెస్టింగ్ మూవీని అందుబాటులోకి తీసుకొచ్చింది. యువ హీరో కిర‌ణ్ అబ్బ‌వ‌రం నిర్మాతగా తెరకెక్కిన రూరల్ ఎంటర్టైనర్ తిమ్మరాజుపల్లి టీవీ ఇప్పుడు డిజిటల్ స్ట్రీమింగ్‌కు సిద్ధమైంది. ఇటీవల థియేటర్లలో విడుదలైన ఈ చిత్రం బాక్సాఫీస్ వద్ద డీసెంట్ టాక్ సంపాదించుకుంది.

Thimmarajupalli TV | తెలుగు ఓటీటీ ప్రేక్షకులకు ప్రముఖ ప్లాట్‌ఫామ్ ఆహా మరో ఇంట్రెస్టింగ్ మూవీని అందుబాటులోకి తీసుకొచ్చింది. యువ హీరో కిర‌ణ్ అబ్బ‌వ‌రం నిర్మాతగా తెరకెక్కిన రూరల్ ఎంటర్టైనర్ తిమ్మరాజుపల్లి టీవీ ఇప్పుడు డిజిటల్ స్ట్రీమింగ్‌కు సిద్ధమైంది. ఇటీవల థియేటర్లలో విడుదలైన ఈ చిత్రం బాక్సాఫీస్ వద్ద డీసెంట్ టాక్ సంపాదించుకుంది. గ్రామీణ నేపథ్యంలో తెరకెక్కిన ఈ మూవీకి ఫ్యామిలీ ఆడియన్స్ నుంచి మంచి స్పందన లభించింది.ఈ చిత్రాన్ని దర్శకుడు వి. మునిరాజ్ తెరకెక్కించారు. ముఖ్యంగా ఈ సినిమాలో దాదాపు 50 మంది కొత్త ఆర్టిస్టులకు అవకాశం ఇవ్వడం విశేషం. గ్రామీణ జీవనశైలి, పల్లెటూరి భావోద్వేగాలు, వినోదాన్ని మేళవిస్తూ రూపొందించిన ఈ చిత్రం కొత్త తరహా కథనంతో ప్రేక్షకుల ముందుకు వచ్చింది.

ఇక ఓటీటీ రిలీజ్ విషయానికి వస్తే.. మే 14 నుంచే ఆహా గోల్డ్ సబ్‌స్క్రైబర్లకు ఈ సినిమా ప్రత్యేకంగా స్ట్రీమింగ్‌కు అందుబాటులోకి వచ్చింది. దీంతో గోల్డ్ సభ్యులు మిగతా ప్రేక్షకుల కంటే ఒక రోజు ముందుగానే సినిమాను వీక్షించే అవకాశం పొందారు. సాధారణ సబ్‌స్క్రైబర్లకు మాత్రం ఈ చిత్రం మే 15 అర్ధరాత్రి 12 గంటల నుంచి అందుబాటులోకి రానుంది. థియేటర్లలో మిక్స్డ్ రెస్పాన్స్ అందుకున్న ఈ చిత్రం ఓటీటీ ప్రేక్షకులను ఎంతవరకు ఆకట్టుకుంటుందనే అంశంపై ఆసక్తి నెలకొంది. ముఖ్యంగా గ్రామీణ కథల్ని ఇష్టపడే ప్రేక్షకులకు ఈ మూవీ కనెక్ట్ అయ్యే అవకాశాలు ఉన్నాయని సినీ వర్గాలు భావిస్తున్నాయి.

ఇప్పటికే విభిన్నమైన కంటెంట్‌తో ప్రేక్షకులను ఆకట్టుకుంటున్న ఆహా, ఈ సినిమాతో మరోసారి రూరల్ ఎంటర్టైన్మెంట్‌కు ప్రాధాన్యం ఇచ్చింది. కామెడీ, ఎమోషన్స్, గ్రామీణ వాతావరణం కలగలిపిన ఈ చిత్రం వీకెండ్ ఎంటర్టైనర్‌గా నిలిచే అవకాశాలు కనిపిస్తున్నాయి. మరి థియేటర్లలో సాధించిన స్పందనకంటే ఓటీటీలో మెరుగైన ఆదరణ దక్కుతుందా లేదా అనేది ఇప్పుడు ఆసక్తికరంగా మారింది. కొత్త కథలను, కొత్త నటీనటులను ప్రోత్సహించే ప్రేక్షకులకు ‘తిమ్మరాజుపల్లి టీవీ’ మంచి ఛాయిస్‌గా మారవచ్చు