Visit:
Thiruveer | ఇటీవల కాలంలో టాలీవుడ్‌లో వచ్చిన అత్యుత్తమ కామెడీ చిత్రాల్లో ఒకటిగా ‘ది గ్రేట్ ప్రీ వెడ్డింగ్ షో’ నిలిచింది. ఎలాంటి అసభ్యత, బూతులు లేకుండా, సహజమైన హాస్యంతో ప్రేక్షకులను కడుపుబ్బా నవ్వించిన ఈ సినిమాకు అద్భుతమైన స్పందన లభిస్తోంది. సినిమా చూసిన ప్రతి ఒక్కరూ ఇది ఒక నవ్వుల బంతి భోజనం అని చెబుతుండడం విశేషం. ‘మసూద’, ‘పలాస’ వంటి విభిన్న చిత్రాలతో గుర్తింపు తెచ్చుకున్న యువ కథానాయకుడు తిరువీర్, ఈ సినిమాలో తనదైన కామెడీ టైమింగ్‌తో అందరినీ ఆకట్టుకున్నాడు. నటనలో పరిపక్వత, సహజత్వం ప్రదర్శిస్తూ సినిమాకు ప్రధాన బలంగా నిలిచాడు. గ్రామీణ నేపథ్యంలో సాగే ఈ కథలో అమాయకమైన పాత్రలు, పరిస్థితుల నుండి పుట్టే హాస్యం ప్రేక్షకులను కట్టిపడేస్తోంది.
ఇలాంటి స్వచ్ఛమైన, ఆరోగ్యకరమైన కామెడీ సినిమాలు అరుదుగా వస్తుంటాయి. అందుకే ‘ది గ్రేట్ ప్రీ వెడ్డింగ్ షో’ను తప్పకుండా థియేటర్లలో చూడాల్సిన సినిమా అని సినీ విశ్లేషకులు, ప్రేక్షకులు ఏకగ్రీవంగా సిఫార్సు చేస్తున్నారు. నిన్నటి రోజు కంటే ఈ రోజు సినిమా బుకింగ్స్ మెరుగ్గా ఉండటం, మౌత్ టాక్ కారణంగా వసూళ్లు పెరిగే అవకాశం ఉందని ట్రేడ్ పండితులు అంచనా వేస్తున్నారు. తొలి చిత్ర దర్శకుడైనా రాహుల్ శ్రీనివాస్ కథనం, శ్రీకాకుళం మట్టివాసనతో కూడిన కామెడీ ప్రేక్షకులకు బాగా కనెక్ట్ అయ్యాయని రిపోర్టులు సూచిస్తున్నాయి.
