The 100 Movie | రిలీజ్‌కు ముందే అవార్డులు.. కొత్త రికార్డులు సృష్టిస్తున్న ‘ది 100’ మూవీ

The 100 Movie | మొగలిరేకులు (Mogalirekulu) సీరియల్ ఫేమ్ ఆర్కే సాగర్ (Rk Sagar) ప్ర‌ధాన పాత్ర‌లో న‌టిస్తున్న తాజా చిత్రం ‘ది 100’(The 100 Movie). ఈ సినిమాకు రాఘవ్ ఓంకార్ శశిధర్ ద‌ర్శ‌క‌త్వం వ‌హిస్తుండ‌గా.. ధన్య బాలకృష్ణ, మిషా నారంగ్ హీరోయిన్‌లుగా న‌టిస్తున్నారు.

The 100 Movie | మొగలిరేకులు (Mogalirekulu) సీరియల్ ఫేమ్ ఆర్కే సాగర్ (Rk Sagar) ప్ర‌ధాన పాత్ర‌లో న‌టిస్తున్న తాజా చిత్రం ‘ది 100’(The 100 Movie). ఈ సినిమాకు రాఘవ్ ఓంకార్ శశిధర్ ద‌ర్శ‌క‌త్వం వ‌హిస్తుండ‌గా.. ధన్య బాలకృష్ణ, మిషా నారంగ్ హీరోయిన్‌లుగా న‌టిస్తున్నారు. ఈ చిత్రం రిలీజ్​కు ముందే రికార్డుల‌ను సృష్టిస్తుంది. ఇప్ప‌టికే దాదా సాహెబ్‌ ఫాల్కే ఫిల్మ్ అవార్డుల్లో జ్యూరీ అవార్డు అందుకున్న ఈ చిత్రం తాజాగా మ‌రో ఘ‌న‌త‌ను త‌న ఖాతాలో వేసుకుంది.

ముంబయి వేదికగా త్వరలో జరగనున్న 12వ ఇండియన్‌ సినీ ఫిల్మ్‌ ఫెస్టివల్‌ ఈవెంట్​లో ఈ సినిమాను ప్ర‌త్యేకంగా ప్ర‌ద‌ర్శించ‌నున్నారు. అంతేగాకుండా ఉత్తమ ఫీచర్ ఫిల్మ్, ఉత్తమ సౌండ్ డిజైన్ విభాగాల్లో పలు హాలీవుడ్‌ అవార్డులను సైతం ఈ చిత్రం అందుకున్నట్లు మేకర్స్ తాజాగా వెల్లడించారు.

Adding Another Feather to the Cap💥💥#The100Movie has been chosen as an Official Selection at the 12th INDIAN CINE FILM FESTIVAL 2024 @indiancinefest ❤️‍🔥#The100 @urRksagar @OmkarSasidhar @NarangMisha @RameshKarutoori @Pushadapu @KRIAFILMCORP @sjmedialabs @THE100telugu pic.twitter.com/rQUQTui33A

— BA Raju’s Team (@baraju_SuperHit) August 28, 2024

ఈ సినిమాపై ద‌ర్శ‌కుడు రాఘవ్ ఓంకార్ మాట్లాడుతూ.. ఈ చిత్రం మంచి యాక్షన్ ఎంట‌ర్‌టైనర్ గా రాబోతుందని తెలిపాడు. విక్రాంత్ అనే ఐపీఎస్ పాత్రలో ఆర్కే సాగర్ ఇంప్రెస్ చేయనున్నాడు, ఇదొక ఎమోషనల్ యాక్షన్ థ్రిల్లర్‌ అలాగే కమర్సియల్ ఎలిమెంట్స్ ఉండబోతున్నాయని, ఇంట్రెస్టింగ్ స్క్రీన్ ప్లే తో ఈ సినిమా ఉంటుందని ఈ చిత్ర నిర్మాతలు తెలిపారు.

ఈ సినిమాకు శ్యామ్ కె నాయుడు సినిమాటోగ్రఫీ అందిస్తుండ‌గా.. అర్జున్ రెడ్డి, యానిమ‌ల్ ఫేమ్ హర్షవర్ధన్ రామేశ్వర్ ఈ సినిమాకు సంగీతం అందిస్తున్నాడు. షూటింగ్ పూర్తి చేసుకుని ప్ర‌స్తుతం పోస్ట్ ప్రొడక్షన్స్ ప‌నుల్లో బిజీగా ఉన్న ఈ చిత్రం త్వ‌ర‌లోనే విడుద‌ల తేదీని ప్ర‌క‌టించ‌నుంది. గిరిధర్, ఆనంద్ (దొంగ దొంగ ఫేమ్), లక్ష్మీ గోపాల్ స్వామి (అరవింద సమేత ఫేమ్), కళ్యాణి నటరాజన్, బాలకృష్ణ, జయంత్, విష్ణు ప్రియ (యాంకర్) త‌దిత‌రులు ఈ సినిమాలో కీల‌క పాత్ర‌లు పోషిస్తున్నారు.

Also read.. 

• Nagarjuna Sagar | నాగార్జున సాగర్ ప్రాజెక్టుకు కొనసాగుతున్న భారీ వరద
• Naga Chaitanya | వెడ్డింగ్‌ వివరాలు త్వరలోనే చెప్తా : నాగచైతన్య
• AP Cabient | జగన్‌ ఫొటోల తొలగింపునకు చంద్రబాబు సర్కార్‌ నిర్ణయం.. ఏపీ కేబినెట్‌ భేటీలో కీలక నిర్ణయాలు