సామాజిక సందేశంతో ది 100

ఆర్కే సాగర్‌ కథానాయకుడిగా రాఘవ్‌ ఓంకార్‌ దర్శకత్వంలో రూపొందిస్తున్న తాజా చిత్రం ‘ది 100’. క్రియా ఫిల్మ్‌ కార్ప్‌, ధమ్మ ప్రొడక్షన్స్‌ పతాకాలపై రమేష్‌ కరుటూరి, వెంకీ పూశడపు, జే.తారక్‌రామ్‌ నిర్మిస్తున్నారు.

ఆర్కే సాగర్‌ కథానాయకుడిగా రాఘవ్‌ ఓంకార్‌ దర్శకత్వంలో రూపొందిస్తున్న తాజా చిత్రం ‘ది 100’. క్రియా ఫిల్మ్‌ కార్ప్‌, ధమ్మ ప్రొడక్షన్స్‌ పతాకాలపై రమేష్‌ కరుటూరి, వెంకీ పూశడపు, జే.తారక్‌రామ్‌ నిర్మిస్తున్నారు. గురువారం ఈ సినిమా ఫస్ట్‌లుక్‌ పోస్టర్‌ను భారత మాజీ ఉపరాష్ట్రపతి వెంకయ్య నాయుడు ఆవిష్కరించారు. ఫస్ట్‌లుక్‌ పోస్టర్‌లో హీరో ఆర్కేసాగర్‌ను ఐపీఎస్‌ అధికారి విక్రాంత్‌గా పరిచయం చేశారు.

‘ఇది కేవలం నెంబర్‌ కాదు..ఒక ఆయుధం’ అంటూ సినిమా టైటిల్‌ గురించి వీడియో క్లిప్‌లో చూపించారు. ఈ సినిమా కథాంశం చాలా బాగుందని, చక్కటి సందేశంతో ఆకట్టుకుంటుందని వెంకయ్య నాయుడు ప్రశంసించారు. ఓ సోషల్‌ ఇష్యూని కమర్షియల్‌ అంశాలు మేళవించి చూపించామని దర్శకుడు తెలిపారు. ఫ్యామిలీ ఆడియెన్స్‌ను మెప్పించే చిత్రమిదని హీరో ఆర్కే సాగర్‌ అన్నారు. ఈ చిత్రానికి కెమెరా: శ్యామ్‌ కె నాయుడు, సంగీతం: హర్షవర్ధన్‌ రామేశ్వర్‌, కథ, స్క్రీన్‌ప్లే, మాటలు, దర్శకత్వం: రాఘవ్‌ ఓంకార్‌ శశిధర్‌.