Tejaswi madivada | చైల్డ్ ఆర్టిస్ట్ నుంచి బోల్డ్ నిర్ణయాల వరకు.. తేజస్వి మదివాడ చెప్పిన జీవిత పాఠాలు

Tejaswi madivada | చిన్న వయసులోనే సినిమాల్లో అడుగుపెట్టి, క్రమంగా హీరోయిన్‌గా తనకంటూ ప్రత్యేక గుర్తింపు తెచ్చుకున్న నటి తేజస్వి మదివాడ గురించి ప్రత్యేక పరిచయం అవసరం లేదు. సీతమ్మ వాకిట్లో సిరిమల్లె చెట్టు, హార్ట్ అటాక్, పండగ చేస్కో వంటి విజయవంతమైన సినిమాల్లో కీలక పాత్రల్లో కనిపించిన ఆమె, ఆ తర్వాత కేరింత, ఐస్ క్రీమ్ లాంటి చిత్రాలతో హీరోయిన్‌గా ప్రేక్షకుల దృష్టిని ఆకర్షించింది.

Tejaswi madivada | చిన్న వయసులోనే సినిమాల్లో అడుగుపెట్టి, క్రమంగా హీరోయిన్‌గా తనకంటూ ప్రత్యేక గుర్తింపు తెచ్చుకున్న నటి తేజస్వి మదివాడ గురించి ప్రత్యేక పరిచయం అవసరం లేదు. సీతమ్మ వాకిట్లో సిరిమల్లె చెట్టు, హార్ట్ అటాక్, పండగ చేస్కో వంటి విజయవంతమైన సినిమాల్లో కీలక పాత్రల్లో కనిపించిన ఆమె, ఆ తర్వాత కేరింత, ఐస్ క్రీమ్ లాంటి చిత్రాలతో హీరోయిన్‌గా ప్రేక్షకుల దృష్టిని ఆకర్షించింది. ముఖ్యంగా రామ్ గోపాల్ వర్మ దర్శకత్వంలో వచ్చిన ఐస్ క్రీమ్ సినిమాలో ఆమె చేసిన డిఫరెంట్ రోల్ అప్పట్లో పెద్ద చర్చకే దారి తీసింది.కొన్ని సినిమాలు, వెబ్ సిరీస్‌లు, టాక్ షోలతో బిజీగా కనిపించిన తేజస్వి ఇటీవల పెద్దగా తెరపై కనిపించకపోయినా, ఆమె గతంలో చేసిన వ్యాఖ్యలు ఇప్పుడు మరోసారి సోషల్ మీడియాలో హాట్ టాపిక్‌గా మారాయి. ఒక ఇంటర్వ్యూలో ఆమె తన కెరీర్‌తో పాటు వ్యక్తిగత జీవితానికి సంబంధించిన అనుభవాలను చాలా ఓపెన్‌గా పంచుకుంది.

33 ఏళ్ల వయసులోనూ ఫిట్‌నెస్‌పై ప్రత్యేక దృష్టి పెట్టానని, జిమ్‌లో కష్టపడి తనను తాను మార్చుకున్నానని తేజస్వి చెప్పింది. విదేశీ ట్రిప్స్‌లో బికినీ ఫోటోషూట్లు చేయడం, కిస్సింగ్ సన్నివేశాల్లో నటించడం వంటి విషయాలు తన ప్రొఫెషన్‌లో భాగమే తప్ప వ్యక్తిగతంగా వేరే అర్థం లేదని స్పష్టం చేసింది. తాను అమాయకురాలిని కాదని, తన జీవితం గురించి స్పష్టత ఉన్న వ్యక్తినని కూడా ఆమె పేర్కొంది. అలాగే, బిగ్ బాస్ షోపై కూడా ఆసక్తికర వ్యాఖ్యలు చేసింది. 2017లో ఆ షోలో పాల్గొనడం తన కెరీర్‌కు పెద్దగా ఉపయోగపడలేదని, అప్పటి మానసిక ఒత్తిడి వల్ల దాదాపు రెండేళ్ల పాటు సినిమాలకు దూరంగా ఉండాల్సి వచ్చిందని వెల్లడించింది. ఆ దశలో తన మెంటల్ స్టేట్‌ను ఎవరూ అర్థం చేసుకోలేదని, ఆ ప్రభావం వ్యక్తిగత జీవితంపై కూడా పడిందని చెప్పింది. పరిస్థితులు ఇంత తీవ్రంగా మారడంతో ఇండియా వదిలి వెళ్లాలనే ఆలోచన కూడా వచ్చినట్టు తేజస్వి భావోద్వేగంగా చెప్పుకొచ్చింది.

ఇక పరిశ్రమలో కమిట్‌మెంట్స్ అంశంపై మాట్లాడిన తేజస్వి, తనను నేరుగా ఎవరూ అడగలేదని తెలిపింది. అయితే కెరీర్ ప్రారంభ దశలో కొన్ని అసౌకర్యకర పరిస్థితులను ఎదుర్కొన్నానని, కానీ తన స్పష్టమైన వ్యక్తిత్వం, ధైర్యంగా మాట్లాడే స్వభావమే తనను ఇలాంటి వాటి నుంచి కాపాడిందని చెప్పింది. ఇలాంటి సమస్యలు సినిమా పరిశ్రమకే పరిమితం కాదని, ఏ రంగంలోనైనా ఉంటాయని, వాటిని ఎదుర్కొనే బాధ్యత ప్రతి ఒక్కరిదేనని ఆమె అభిప్రాయపడింది. మొత్తంగా చూస్తే, తేజస్వి మదివాడ జీవితం కేవలం సినిమాలకే పరిమితం కాకుండా, అనుభవాలతో నిండిన ఒక ప్రయాణంలా కనిపిస్తోంది. కెరీర్‌లో వచ్చిన ఎత్తుపల్లాలు, వ్యక్తిగత పోరాటాల గురించి ఆమె చెప్పిన మాటలు ఇప్పుడు చాలా మందికి ప్రేరణగా మారుతున్నాయి.