Daniel Balaji | ప్రముఖ తమిళ నటుడు డేనియల్ బాలాజీ (48) గుండెపోటుతో (cardiac arrest) ప్రాణాలు కోల్పోయిన విషయం తెలిసిందే. అనారోగ్యం కారణంగా ఇటీవలే ఆసుపత్రిలో చేరిన డేనియల్ బాలాజీ చికిత్స పొందుతూ శుక్రవారం తుదిశ్వాస విడిచారు. ఇక ఈ వార్త విని యావత్ సినీ ఇండస్ట్రీ షాక్కు గురైంది. బాలాజీ మృతి పట్ల పలుపురు ప్రముఖులు, ఫ్యాన్స్ సోషల్ మీడియా వేదికగా సంతాపం తెలుపుతున్నారు.
తాజాగా మసూద ఫేమ్ టాలీవుడ్ యువ నటుడు తిరువీర్ (Thiruveer) ఎక్స్ వేదికగా బాలాజీ మృతికి సంతాపం ప్రకటించాడు. ఈరోజు నా సోదరుడిని కోల్పోయాను. డేనియల్ అన్నా లేకుండా ఈ ప్రపంచం నాకు ఒకేలా ఉండదు మీరు ఎక్కడ ఉన్నా, ఎప్పటికీ నిన్ను ప్రేమిస్తున్నాను. నా జీవితంలో భాగమైనందుకు ధన్యవాదాలు, నా చివరి శ్వాస వరకు మా స్నేహాన్ని ఆదరిస్తాను అంటూ తిరువీర్ రాసుకోచ్చాడు.
I lost my brother today. This world isn’t the same for me without Daniel Anna 💔
Wherever you are, love you forever. Thanks for being part of my life, will cherish our friendship till my last breath. pic.twitter.com/RYKBnz2xMg
— Thiruveer (@iamThiruveeR) March 30, 2024