Sridevi | శ్రీదేవి చివ‌రి కోరిక ఏంటి.. అది కుటుంబ స‌భ్యులు తీర్చారా..!

Sridevi | అతిలోక సుంద‌రి శ్రీదేవి గురించి ప్ర‌త్యేక ప‌రిచ‌యాలు అక్క‌ర్లేదు. తొలుత బాలనటిగా సినిమా రంగంలో అడుగుపెట్టిన శ్రీదేవి, అనంతరం తన అందం, అభినయం, నటనతో భారతీయ సినిమా లోకాన్ని శాసించింది.

Sridevi | అతిలోక సుంద‌రి శ్రీదేవి గురించి ప్ర‌త్యేక ప‌రిచ‌యాలు అక్క‌ర్లేదు. తొలుత బాలనటిగా సినిమా రంగంలో అడుగుపెట్టిన శ్రీదేవి, అనంతరం తన అందం, అభినయం, నటనతో భారతీయ సినిమా లోకాన్ని శాసించింది. 300కు పైగా సినిమాల్లో నటించి, “అతిలోక సుందరి”గా అభిమానుల గుండెల్లో చిరస్థాయిగా స్థానం సంపాదించుకుంది. తెలుగు, తమిళ, మళయాళం, హిందీ వంటి భాషల్లో విస్తృతంగా నటించి, కోట్లాది మంది అభిమానుల మనసులు గెలుచుకుంది. అయితే, సినీ ప్రపంచాన్ని తీరని విషాదంలో ముంచెత్తుతూ, 2018 ఫిబ్రవరిలో శ్రీదేవి ఆకస్మికంగా మరణించింది.

త‌న‌ మేనల్లుడి వివాహ కార్యక్రమానికి హాజరవడానికి దుబాయ్ వెళ్లిన సమయంలో, అక్కడి ఓ హోటల్ గదిలో అనుమానాస్పద పరిస్థితుల్లో మృతిచెందింది. ఈ ఘటనతో సినీ పరిశ్రమతో పాటు దేశవ్యాప్తంగా ఆమె అభిమానులు తీవ్ర దిగ్బ్రాంతికి లోనయ్యారు.
అయితే శ్రీదేవి జీవితాంతం తెలుపు రంగును ఎంతో అభిమానించింది. ఆమె నటించిన అనేక సినిమాల్లో, పాటలలోనూ తెలుపు రంగు దుస్తులు కనిపించడం చూస్తే, ఆమెకు ఆ రంగు మీద ఉన్న ప్రేమ స్పష్టమవుతుంది. ఈ నేపథ్యానుగుణంగానే, శ్రీదేవి తన ఆఖరి కోరికగా “తన అంత్యక్రియలు తెలుపు రంగుతో జరగాలి” అని పలు ఇంటర్వ్యూల్లో చెప్పింది. ఆమె కుటుంబ సభ్యులు ఈ కోరికను తీరుస్తూ, అంత్యక్రియలన్నీ తెలుపు రంగు పూలతో నిర్వహించారు.

ఆమె మృతదేహాన్ని ఉంచిన స్థలాన్ని తెల్ల మల్లెలు, తెల్ల గులాబీలతో అలంక‌రించారు. అంతిమయాత్రకు తీసుకెళ్లిన వాహనాన్ని కూడా తెలుపు పువ్వులతో అలంకరించారు. ఈ విధంగా, ఎంతో దుఃఖంలోనూ శ్రీదేవి ఆఖరి కోరికను నెరవేర్చిన ఆమె కుటుంబం, ఆమెకి తగిన గౌరవాన్ని అందించింది. శ్రీదేవి ఈ రోజు మన మధ్య లేకపోయినా, ఆమె సినిమాలు, నటన, ఆమె అందం తెలుగు సహా భారతీయ సినీ ప్రపంచంలో ఎప్పటికీ చిరస్మరణీయంగా నిలిచిపోతాయి.