Triptii Dimri | ప్రభాస్ ‘స్పిరిట్’ ఆఫర్: వెకేషన్ ఎంజాయ్ చేస్తున్న బ్యూటీ

Triptii Dimri | ప్రభాస్ హీరోగా సందీప్ రెడ్డి వంగా దర్శకత్వంలో తెరకెక్క‌బోతున్న‌ పాన్ ఇండియా చిత్రం స్పిరిట్‌లో కథానాయికగా యానిమ‌ల్ భామ‌ త్రిప్తి డిమ్రీ ఎంపికైన విషయం తెలిసిందే.

Triptii Dimri | ప్రభాస్ హీరోగా సందీప్ రెడ్డి వంగా దర్శకత్వంలో తెరకెక్క‌బోతున్న‌ పాన్ ఇండియా చిత్రం స్పిరిట్‌లో కథానాయికగా యానిమ‌ల్ భామ‌ త్రిప్తి డిమ్రీ ఎంపికైన విషయం తెలిసిందే. దీపికా పదుకొణె స్థానంలో త్రిప్తి డిమ్రీ ఈ ప్రాజెక్ట్‌లోకి రావడంతో, ఆమెకు కెరీర్‌లోనే అత్యధిక పారితోషికం అందుతోందని వార్తలు వస్తున్నాయి. అయితే ఈ వార్తల మధ్య త్రిప్తి డిమ్రీ త‌న‌ వెకేషన్ ఎంజాయ్ చేస్తూ తన ఆనందాన్ని వ్యక్తం చేస్తున్నారు.

‘యానిమల్’ సినిమాతో ఒక్కసారిగా స్టార్‌డమ్‌ను సొంతం చేసుకున్న ఈ భామ‌.. ఇప్పుడు ‘స్పిరిట్’ సినిమాతో ప్రభాస్‌ సరసన నటించే అవకాశం దక్కించుకున్నారు. మొదట ఈ పాత్ర కోసం దీపికా పదుకొణెను సంప్రదించినప్పటికీ, కొన్ని కారణాల వల్ల ఆమె ఈ ప్రాజెక్ట్ నుండి తప్పుకున్నారు. ఆ స్థానంలో త్రిప్తి డిమ్రీని ఎంపిక చేశారు. నివేదికల ప్రకారం, దీపికా పదుకొణె ‘స్పిరిట్’ కోసం దాదాపు రూ. 20 కోట్ల పారితోషికం డిమాండ్ చేయగా, త్రిప్తి డిమ్రీ రూ. 4 నుండి 6 కోట్ల మధ్య అందుకుంటున్నారని సమాచారం. ఇది ఆమె కెరీర్‌లోనే ఇప్పటివరకు అందుకున్న అత్యధిక పారితోషికం అని తెలుస్తోంది.

ఈ భారీ ప్రాజెక్ట్‌లో భాగమైనందుకు త్రిప్తి డిమ్రీ ఎంతో ఆనందంగా ఉన్నారు. ప్రస్తుతం వెకేషన్‌ను ఆస్వాదిస్తూ, తన సోషల్ మీడియాలో “నా హృదయం నిండిపోయింది” (My heart is full) అని పోస్ట్ చేశారు. ఈ వ్యాఖ్యలు ఆమెకు ‘స్పిరిట్’ అవకాశం పట్ల ఎంత సంతోషంగా ఉన్నారో స్పష్టం చేస్తున్నాయి.

‘స్పిరిట్’ ఒక పోలీస్ యాక్షన్ డ్రామాగా తెరకెక్కుతోంది. ప్రభాస్ ఇందులో పోలీస్ అధికారి పాత్రలో కనిపించనున్నారు. సందీప్ రెడ్డి వంగా తనదైన మార్క్ యాక్షన్, ఎమోషన్స్‌తో ఈ సినిమాను రూపొందిస్తున్నారు. ఈ చిత్రం 2026లో విడుదలయ్యే అవకాశం ఉంది.