Vishwambara | విశ్వంభ‌ర‌పై ఫోక‌స్ పెరిగిందా.. ఈ చిత్రం కూడా హిట్ కొడితే..!

Vishwambara |మెగాస్టార్ చిరంజీవి మరోసారి తన స్టార్ పవర్‌ను నిరూపిస్తూ బాక్సాఫీస్‌పై పట్టు బిగిస్తున్నారు. సంక్రాంతి కానుకగా విడుదలైన ‘మన శంకర వరప్రసాద్ గారు’ ప్రేక్షకుల నుంచి మంచి స్పందన తెచ్చుకుని, వసూళ్ల పరంగా బలమైన పరుగును కొనసాగిస్తోంది. ఈ విజయం చిరంజీవి కెరీర్‌లో మరో కీలక మలుపుగా మారిందని ట్రేడ్ వర్గాలు భావిస్తున్నాయి.

Vishwambara |మెగాస్టార్ చిరంజీవి మరోసారి తన స్టార్ పవర్‌ను నిరూపిస్తూ బాక్సాఫీస్‌పై పట్టు బిగిస్తున్నారు. సంక్రాంతి కానుకగా విడుదలైన ‘మన శంకర వరప్రసాద్ గారు’ ప్రేక్షకుల నుంచి మంచి స్పందన తెచ్చుకుని, వసూళ్ల పరంగా బలమైన పరుగును కొనసాగిస్తోంది. ఈ విజయం చిరంజీవి కెరీర్‌లో మరో కీలక మలుపుగా మారిందని ట్రేడ్ వర్గాలు భావిస్తున్నాయి. ఇదే ఉత్సాహంతో ఇప్పుడు ఆయన తదుపరి ప్రాజెక్ట్‌పై అంచనాలు ఒక్కసారిగా పెరిగిపోయాయి. చిరంజీవి లైనప్‌లో ఉన్న ప్రతిష్టాత్మక చిత్రం ‘విశ్వంభర’ ఇప్పటికే ఫ్యాన్స్‌లో ప్రత్యేక ఆసక్తిని రేపుతోంది. గతంలో ‘జగదేకవీరుడు అతిలోకసుందరి’ వంటి సోషియో-ఫాంటసీ చిత్రాలతో ప్రేక్షకులను మంత్రముగ్ధులను చేసిన చిరు, మళ్లీ అదే జానర్‌లో కనిపించనుండటం ప్రధాన ఆకర్షణగా మారింది. దర్శకుడు వశిష్ఠ తెరకెక్కిస్తున్న ఈ సినిమా, కథా పరంగా విజువల్ పరంగా కొత్త అనుభూతిని అందిస్తుందని యూనిట్ చెబుతోంది.

అయితే ఈ సినిమాకు సంబంధించి ముందుగా విడుదలైన టీజర్‌పై మిశ్రమ స్పందన రావడంతో మేకర్స్ మరింత జాగ్రత్తలు తీసుకుంటున్నారు. ముఖ్యంగా విజువల్ ఎఫెక్ట్స్ విషయంలో ఎలాంటి రాజీ పడకుండా ఉండాలని నిర్ణయించుకున్నట్టు సమాచారం. అందుకే సినిమాను ముందుగా అనుకున్న టైమ్‌కి కాకుండా, 2026 వేసవికి వాయిదా వేసి మరింత మెరుగైన అవుట్‌పుట్‌పై దృష్టి పెట్టారు. ఈ ప్రాజెక్ట్‌లో వీఎఫ్‌ఎక్స్ కీలక పాత్ర పోషించనున్న నేపథ్యంలో, పోస్ట్ ప్రొడక్షన్‌కు ఎక్కువ సమయం కేటాయిస్తున్నారని తెలుస్తోంది.ప్రస్తుతం ఇండస్ట్రీలో ఉన్న ట్రెండ్‌కు తగ్గట్టుగా, గ్రాండ్ విజువల్స్‌తో పాటు బలమైన కథనం కూడా అవసరమని మేకర్స్ భావిస్తున్నారు. అందుకే కేవలం టెక్నికల్ పరంగానే కాదు, భావోద్వేగాల పరంగా కూడా సినిమా ప్రేక్షకులను కనెక్ట్ చేస్తుందని హామీ ఇస్తున్నారు. పిల్లల నుంచి పెద్దల వరకూ అందరికీ నచ్చేలా కథను డిజైన్ చేస్తున్నారనే టాక్ వినిపిస్తోంది.

ఈ చిత్రంలో చిరంజీవికి జోడిగా త్రిష నటిస్తుండగా, సంగీతాన్ని ఆస్కార్ విజేత ఎంఎం కీరవాణి అందిస్తున్నారు. యూవీ క్రియేషన్స్ బ్యానర్‌పై భారీ బడ్జెట్‌తో రూపొందుతున్న ఈ సినిమాను పాన్ ఇండియా స్థాయిలో విడుదల చేసే అంశంపై ఇంకా తుది నిర్ణయం తీసుకోలేదని సమాచారం. అయితే ప్రమోషనల్ కంటెంట్ సరైన సమయంలో రిలీజ్ చేస్తే, ‘విశ్వంభర’పై క్రేజ్ మరింత పెరిగే అవకాశాలు స్పష్టంగా కనిపిస్తున్నాయి.మొత్తంగా, ప్రస్తుతం చిరంజీవి ఫోకస్ అంతా ‘విశ్వంభర’పైనే ఉండటంతో, ఫ్యాన్స్‌కు రాబోయే రోజుల్లో సర్‌ప్రైజ్ అప్‌డేట్స్ తప్పవని సినీ వర్గాలు అంచనా వేస్తున్నాయి.