Son of Sardaar 2 | ఇక నాన్‌స్టాప్‌ నవ్వులే.. సన్నాఫ్‌ ఆఫ్‌ సర్దార్‌కు సీక్వెల్‌

అజయ్‌ దేవ్‌గణ్‌ కథానాయకుడిగా పదమూడేళ్ల కిత్రం వచ్చిన ‘సన్‌ ఆఫ్‌ సర్దార్‌' చిత్రం ప్రేక్షకులకు చక్కటి వినోదాన్ని పంచింది. రాజమౌళి ‘మర్యాద రామన్న’కు రీమేక్‌ ఇది. ఇప్పుడీ సినిమాకు సీక్వెల్‌గా ‘సన్నాఫ్‌ ఆఫ్‌ సర్దార్‌-2 ’ రాబోతుంది. తొలిభాగంలో సోనాక్షి సిన్హా కథానాయికగా నటించగా సీక్వెల్‌లో ఆమె స్థానాన్ని మృణాల్‌ ఠాకూర్‌ భర్తీ చేస్తున్నది.

Son of Sardaar 2 | అజయ్‌ దేవ్‌గణ్‌ కథానాయకుడిగా పదమూడేళ్ల కిత్రం వచ్చిన ‘సన్‌ ఆఫ్‌ సర్దార్‌’ చిత్రం ప్రేక్షకులకు చక్కటి వినోదాన్ని పంచింది. రాజమౌళి ‘మర్యాద రామన్న’కు రీమేక్‌ ఇది. ఇప్పుడీ సినిమాకు సీక్వెల్‌గా ‘సన్నాఫ్‌ ఆఫ్‌ సర్దార్‌-2 ’ రాబోతుంది. తొలిభాగంలో సోనాక్షి సిన్హా కథానాయికగా నటించగా సీక్వెల్‌లో ఆమె స్థానాన్ని మృణాల్‌ ఠాకూర్‌ భర్తీ చేస్తున్నది. సంజయ్‌దత్‌ మినహా సీక్వెల్‌లో అందరూ కొత్త తారలే కనిపిస్తారని మేకర్స్‌ తెలిపారు. ఈ సినిమా చిత్రీకరణ దాదాపు పూర్తి కావొస్తున్నది.

జూలై 25న విడుదల చేయబోతున్నట్లు మేకర్స్‌ ప్రకటించారు. ఈ సీక్వెల్‌పై భారీ అంచనాలున్నాయని, వాటికి తగ్గట్లుగా నాన్‌స్టాప్‌ కామెడీతో పాటు రోమాంచితమైన యాక్షన్‌ ఘట్టాలతో చిత్రాన్ని తీర్చిదిద్దామని దర్శకుడు విజయ్‌ కుమార్‌ అరోరా తెలిపారు. గత కొంతకాలంగా బాలీవుడ్‌లో మంచి బ్రేక్‌కోసం ఎదురుచూస్తున్న మృణాల్‌ ఠాకూర్‌ సైతం ఈ సినిమాపై ఎన్నో ఆశలు పెట్టుకొని ఉంది. తొలిసారి అజయ్‌దేవ్‌గణ్‌ సరసన నటించడం మరచిపోలేని అనుభూతినిస్తున్నదని ఆమె ఆనందం వ్యక్తం చేసింది. ఈ చిత్రాన్ని జీ స్టూడియో స్‌, అజయ్‌దేవ్‌గణ్‌ ఫిల్మ్స్‌ తెరకెక్కిస్తున్నాయి.