పూజాహెగ్డే (Pooja Hegde)..టాలీవుడ్ (Tollywood) ప్రస్తుతానికి హయ్యెస్ట్ రెమ్యునరేషన్ తీసుకుంటున్న హీరోయిన్గా లీడింగ్ పొజిషన్ లో ఉంది. ప్రస్తుతం చిరంజీవి నటిస్తోన్న ఆచార్య (Acharya) ప్రమోషన్స్ లో పాల్గొంటుంది. ప్రచార కార్యక్రమాల్లో భాగంగా తెలుగు మీడియాకు ఇంటర్వ్యూలు కూడా ఇస్తోంది. బ్యాక్ టు బ్యాక్ షూటింగ్లతో బిజీగా ఉండే పూజాహెగ్డే చేతిలో మహేశ్-త్రివిక్రమ్(Mahesh-Trivikram movie) సినిమా మొదలయ్యే వరకు ప్రస్తుతానికి ఎలాంటి షూటింగ్స్ లేవని టాక్.
దీంతో పూజాహెగ్డే ప్రతీ చిన్న అవకాశాన్ని మీడియా ముఖంగా సద్వినియోగం చేసుకునే ప్రయత్నం చేస్తుందని అనుకుంటున్నారు సినీజనాలు. ఎందుకంటే కొంతకాలంగా పూజాహెగ్డే నటించిన రాధేశ్యామ్ (Radhe Shyam), బీస్ట్ (Beast)చిత్రాలు బాక్సాపీస్ వద్ద డీలా పడిపోయాయి. బీస్ట్ తమిళంలో హిట్గా నిలిచినా తెలుగులో మాత్రం డిజాస్టర్ టాక్ మూటగట్టుకుంది. ఇక ఇపుడు చిరంజీవి-రాంచరణ్ ( Ram Charan)కాంబోలో వస్తున్న ఆచార్యలో నీలాంబరి పాత్రలో కనిపించబోతుంది.
అయితే బీస్ట్, రాధేశ్యామ్ తో ఫెయిల్యూర్స్ తో పూజాహెగ్డేను బ్యాడ్ టైం వెంటాడుతుండటంతో కొందరు ఫాలోవర్లు, అభిమానులు బాధపడుతున్నారు.మరికొందరేమో తమ బాధను ట్వీట్ల రూపంలో సందేశాలు పెడుతున్నారు. హ్యాట్రిక్ కొట్టొద్దు (ఫెయిల్యూర్స్ లో) పూజాహెగ్డే అంటూ సందేశాలు పోస్ట్ చేస్తున్నారు.
అయితే ఆచార్య సినిమా చేస్తోంది కొరటాల శివ(Koratala Siva ) లాంటి స్టార్ డైరెక్టర్ కావడం, అందులోనా ఆర్ఆర్ఆర్ సక్సెస్ ఆస్వాదిస్తున్న రాంచరణ్కు జోడీగా కనిపించడం పూజాహెగ్డేకు కలిసొచ్చే అంశంగా భావిస్తున్నారు సినీ పండితులు. ఇప్పటివరకు సింగిల్ ప్లాప్ కూడా లేని ట్రాక్ రికార్డు కొరటాల శివకున్న సంగతి తెలిసిందే.