జబర్దస్త్‌లో ఇక రోజా క‌నిపించ‌దా.. అభిమానుల్లో మొద‌లైన అనుమానాలు

April 23, 2021 / 04:40 PM IST

చూస్తుంటే ఇప్పుడు ఇలాంటి అనుమానాలు వస్తున్నాయి. ఎందుకంటే గత కొన్ని వారాలుగా జబర్దస్త్ జడ్జి రోజా రెగ్యులర్ గా అక్కడ కనిపించడం లేదు. రాజకీయంగా ఎంత బిజీగా ఉన్నా కూడా టెలివిజన్ కోసం కొంత సమయం కేటాయించేది రోజా. డేట్స్ విషయంలో ఎప్పుడూ కన్ఫ్యూజన్ కు చోటు లేకుండా చూసుకునేది. అయితే ఇప్పుడు మాత్రం ఈమె కామెడీ షో లో కనిపించడం లేదు. ఈ మధ్య అనారోగ్యం పాలైన రోజా కొన్ని రోజులు ఆసుపత్రిలో ఉండి డిశ్చార్జ్ అయ్యింది. రెండు మేజర్ సర్జరీలు కూడా జరిగాయి. ఈ విషయం అభిమానులకు కాస్త ఆలస్యంగా తెలిసింది. ఇదిలా ఉంటే కేవలం అనారోగ్యం కారణంగానే జబర్దస్త్ కామెడీ షో నుంచి తప్పకుందా లేదంటే రాజకీయంగా బిజీ కావడంతో ఈ షోకు గుడ్ బై చెప్పిందా అనేది అర్థం కావడం లేదు.

దాదాపు ఐదారు వారాల నుంచి జబర్దస్త్ లో రోజా స్థానంలో సీనియర్ హీరోయిన్ ఇంద్రజ కనిపిస్తుంది. అయితే ఎక్స్ ట్రా జబర్దస్త్ లో మాత్రం మనోతో పాటు రోజా అలాగే ఉంది. దాంతో కేవలం ఒక ఎపిసోడ్ మాత్రమే వదిలేసి మరో ఎపిసోడ్ లో ఈమె కంటిన్యూ అవుతుంది అని అందరూ అనుకున్నారు. కానీ ఇప్పుడు ఎక్స్ ట్రా జబర్దస్త్ నుంచి కూడా రోజా తప్పుకుంది. అక్కడ కూడా ఇంద్రజ కనిపించడంతో అభిమానులు షాక్ అవుతున్నారు. జబర్దస్త్ కామెడీ షోలో రోజా కనిపించదా అని ప్రశ్నిస్తున్నారు. ఇది గ్యాపా లేదంటే పూర్తిగా గుడ్ బై చెప్పినట్లా అనేది రోజా క్లారిటీ ఇవ్వాలి.

2013లో జబర్దస్త్ మొదలైనప్పటి నుంచి ఇప్పటి వరకు ఈమె కంటిన్యూ అవుతుంది. మధ్యలో అప్పుడప్పుడు చిన్న చిన్న బ్రేక్ తీసుకున్నా గుడ్ బై మాత్రం చెప్పలేదు. అయితే రెండేళ్ళ కింద నాగబాబు ఈ షో నుంచి బయటకు వెళ్లిపోవడంతో రోజా కూడా వెళ్ళిపోతుందని రూమర్స్ మొదలయ్యాయి. పైగా రాజకీయాల్లోనూ బిజీ కావడంతో ఈమె ఈ షో వదిలేస్తుందని వార్తలు వస్తున్నాయి. ఇప్పుడు రోజా రెండు ఎపిసోడ్లలో కనిపించకపోవడంతో ఇది నిజమే అని అందరూ కన్ఫమ్ చేసుకుంటున్నారు.