Visit:
‘ఊరుపేరు భైరవకోన’ చిత్రంతో హిట్‌ ట్రాక్‌ ఎక్కేశాడు యువహీరో సందీప్‌కిషన్‌. ఈ నేపథ్యంలో ఏకే ఎంటర్‌టైన్‌మెంట్స్‌, హాస్య మూవీస్‌ పతాకాలపై రాజేష్‌ దండా ఆయనతో ఓ చిత్రం నిర్మిస్తున్నారు. హిట్‌ చిత్రాల దర్శకుడు త్రినాథరావు నక్కిన దర్శకత్వం వహిస్తున్న ఈ చిత్రం మంగళవారం హైదరాబాద్‌లో మొదలైంది. ముహూర్తపు సన్నివేశానికి ప్రముఖ నిర్మాత విజయ్‌ కనకమేడల కెమెరా స్విచాన్‌ చేయగా, అగ్ర నిర్మాత దిల్‌రాజు క్లాప్‌ ఇచ్చారు.
మరో ప్రముఖ నిర్మాత అనిల్‌ సుంకర తొలిషాట్‌కు గౌరవ దర్శకత్వం వహించారు. తదనంతరం చిత్ర యూనిట్‌కు వారందరూ శుభాకాంక్షలు అందించారు. తమ సంస్థలో నిర్మించిన సామజవరగమన, ఊరుపేరు భైరవకోన చిత్రాలు మంచి విజయాలను అందుకున్నాయని, ఈ సినిమాతో హ్యాట్రిక్‌ కొట్టబోతున్నామని నిర్మాత రాజేశ్‌ దండా నమ్మకం వెలిబుచ్చారు. సందీప్‌కిషన్‌ 30వ చిత్రంగా తెరకెక్కుతున్న ఈ సినిమాకు రచన: ప్రసన్నకుమార్‌ బెజవాడ, కెమెరా: నిజార్‌ షఫీ, సంగీతం: లియోన్‌ జేమ్స్‌, ఆర్ట్స్‌: బ్రహ్మకడలి.
