సిరివెన్నెల సీతారామశాస్త్రికి అవార్డులు తీసుకొచ్చిన పాటలు ఇవే..

November 30, 2021 / 10:17 PM IST

Sirivennela Seetharama Sastry | సిరివెన్నెల సీతారామశాస్త్రి — Sirivennela Seetharama Sastry

Sirivennela Seetharama Sastry | మూడు వేల‌కు పైగా పాటలు రాసి.. తెలుగు సినిమా సాహిత్య స్థాయిని ఎన్నో వందల రెట్లు పెంచిన సిరివెన్నెల సీతారామశాస్త్రి ఇకలేరు అనే విషయాన్ని సంగీత ప్రియులు జీర్ణించుకోలేకపోతున్నారు. కొన్ని రోజుల కిందటి వరకు కూడా ఎంతో ఆరోగ్యంగా కనిపించిన ఆయన.. గత వారం రోజులుగా న్యుమోనియాతో బాధ పడుతూ.. లంగ్ క్యాన్సర్ కారణంగా నవంబర్ 30 సాయంత్రం 4:07 నిమిషాలకు తుదిశ్వాస విడిచారు. ఆయన కెరీర్ లో రాసిన ప్రతీ పాట ఒక ఆణిముత్యమే. ఎన్నో వేల పాటలు రాసిన‌ ఆయనకు ఎవరికీ సాధ్యం కాని రీతిలో 11 నంది అవార్డులు వరించాయి. అలాగే నాలుగు ఫిలింఫేర్ అవార్డులు కూడా సొంతం చేసుకున్నారు సిరివెన్నెల.

నంది అవార్డులు.. పాట

సిరివెన్నెల (1986) – విధాత తలపున
శృతిలయలు (1987) – తెలవారదేమో స్వామి
స్వర్ణకమలం (1988) – అందెలరావమిది పదములదా
గాయం (1993) – సురాజ్యమవలనీ స్వరాజ్యమెందుకని
శుభ లగ్నం (1994) – చిలక ఏ తోడు లేక
శ్రీకారం (1996) – మనసు కాస్త కలత పడితే
సింధూరం (1997) – అర్ధ శతబ్దపు అజ్ఞానాన్నే
ప్రేమ కథ (1999) – దేవుడు కరుణిస్తాడని
చక్రం (2005) – జగమంత కుటుంబం నాది
గమ్యం (2008) – ఎంత వరకు ఎందుకు కోరకు
సీతమ్మ వాకిట్లో సిరిమల్లె చెట్టు (2013) – మరీ అంతగా

ఫిలింఫేర్ అవార్డ్స్ సౌత్ (తెలుగు)..

నువ్వొస్తానంటే నేనొద్దంటానా (2005)
గమ్యం (2008)
మహాత్మ (2009)
కంచె (2015)

SIIMA అవార్డ్స్

ఉత్తమ గేయ రచయిత (తెలుగు) – కంచె (2015)

కేవలం అవార్డులు తీసుకొచ్చిన పాటలు మాత్రమే గొప్పది అని కాదు. అవార్డు వచ్చినా రాకపోయినా ‘సిరివెన్నెల’ కలం నుంచి జాలువారిన ఎన్నో పాటలు ఆణిముత్యాలుగా మిగిలిపోయాయి. ఉదాహరణకు చిరంజీవి నటించిన రుద్రవీణ సినిమాలోని అన్ని పాటలు ఒక అద్భుతం. ‘నమ్మకు నమ్మకు ఈ రేయిని’, ‘తరలి రాద తనే వసంతం’ పాటలను ప్రేక్షకులు ఎప్పుడూ మర్చిపోలేరు. కేవలం యుగళ గీతాలు మాత్రమే కాకుండా విప్లవ పాటలు, ఎన్నో స్ఫూర్తి రగిలించే పాటలు రాయడంలో సిరివెన్నెల అందెవేసిన చేయి.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి