మాస్‌ అవతార్‌ ‘బ్యాడాస్‌’

టిల్లు పాత్ర సిద్ధు జొన్నలగడ్డకు యూత్‌లో మంచి క్రేజ్‌ని తీసుకొచ్చింది. ‘డీజే టిల్లు’ ‘టిల్లు స్కేర్‌' చిత్రాలు భారీ హిట్స్‌గా నిలిచాయి. సిద్ధు జొన్నలగడ్డతో ఈ రెండు చిత్రాలను నిర్మించిన సితార ఎంటర్‌టైన్‌మెంట్స్‌ తాజాగా ఆయనతో ‘బ్యాడాస్‌' పేరుతో కొత్త చిత్రానికి శ్రీకారం చుట్టింది. రవికాంత్‌ పేరేపు దర్శకత్వం వహిస్తారు.

టిల్లు పాత్ర సిద్ధు జొన్నలగడ్డకు యూత్‌లో మంచి క్రేజ్‌ని తీసుకొచ్చింది. ‘డీజే టిల్లు’ ‘టిల్లు స్కేర్‌’ చిత్రాలు భారీ హిట్స్‌గా నిలిచాయి. సిద్ధు జొన్నలగడ్డతో ఈ రెండు చిత్రాలను నిర్మించిన సితార ఎంటర్‌టైన్‌మెంట్స్‌ తాజాగా ఆయనతో ‘బ్యాడాస్‌’ పేరుతో కొత్త చిత్రానికి శ్రీకారం చుట్టింది. రవికాంత్‌ పేరేపు దర్శకత్వం వహిస్తారు. బుధవారం టైటిల్‌ను రివీల్‌ చేయడంతో పాటు ఫస్ట్‌లుక్‌ని విడుదల చేశారు.

‘ఇఫ్‌ మిడిల్‌ ఫింగర్‌ వాజ్‌ ఏ మ్యాన్‌’ అనే బోల్డ్‌ స్టేట్‌మెంట్‌తో పోస్టర్‌ ఆసక్తినిరేకెత్తిస్తున్నది. ఈ సినిమాలో సిద్ధు జొన్నలగడ్డ మునుపెన్నడూ చూడని మాస్‌ అవతారంలో కనిపిస్తారని, పరిణితితో కూడిన పాత్ర ఇదని మేకర్స్‌ తెలిపారు. ఈ సినిమాకు సంబంధించిన మరిన్ని వివరాలను త్వరలో వెల్లడించనున్నారు. ఈ చిత్రానికి నిర్మాణ సంస్థ: సితార ఎంటర్‌టైన్‌మెంట్స్‌, ఫార్చూన్‌ ఫోర్‌ సినిమాస్‌, సమర్పణ: శ్రీకర స్టూడియోస్‌, రచన: రవికాంత్‌ పేరేపు, సిద్ధు జొన్నలగడ్డ, దర్శకత్వం: రవికాంత్‌ పేరేపు.