Visit:
Pushpa The Rule | టాలీవుడ్ స్టార్ ద‌ర్శ‌కుడు సుకుమార్ సినిమాల‌లో స్పెష‌ల్ సాంగ్‌లు ఎంత ఫేమస్ అనేది ప్ర‌త్యేకంగా చెప్ప‌నక్క‌ర్లేదు. త‌న మొద‌టి సినిమా ఆర్యలో మొద‌లైన ఈ సెంటిమెంట్ నాన్న‌కు ప్రేమ‌తో సినిమాలో త‌ప్ప ప్ర‌తి సినిమాలో కొన‌సాగుతుంది. అ అంటే అమ‌లాపురం, 36-24-36, రింగ రింగా, డియాలో డియాలా, జిగేల్ రాణి, లండ‌న్ బాబు, ఊ అంటావా మావ.. సాంగ్‌ల‌తో ప్రేక్ష‌కుల‌కు అల‌రించాడు. అయితే ఆయ‌న ద‌ర్శక‌త్వంలో వ‌స్తున్న తాజా చిత్రం పుష్ప ది రూల్(Pushpa The Rule). ఐకానిక్ స్టార్ అల్లు అర్జున్ హీరోగా న‌టిస్తున్న ఈ చిత్రం బ్లాక్ బ‌స్ట‌ర్ హిట్ పుష్ప సినిమాకు సీక్వెల్‌గా వ‌స్తుంది. ర‌ష్మిక మందాన్న క‌థానాయిక‌గా న‌టిస్తున్న ఈ చిత్రం డిసెంబ‌ర్ 06న ప్రేక్ష‌కుల ముందుకు రానుంది. అయితే ఈ సినిమాలో స్పెష‌ల్ సాంగ్‌కు సంబంధించి ఒక సాలిడ్ న్యూస్ సోష‌ల్ మీడియాలో చక్కర్లు కొడుతుంది.
ఈ సినిమాలో బాలీవుడ్ భామ శ్రద్ధ క‌పూర్ ఐటం సాంగ్ చేయ‌బోతున్న‌ట్లు తెలుస్తుంది. ఇటీవ‌లే స్త్రీ 2 సినిమాతో బ్లాక్ బ‌స్ట‌ర్ అందుకుంది ఈ భామ. అయితే పుష్పకి ఉన్న క్రేజ్‌కి శ్రద్ధ క‌పూర్ అయితేనే స‌రిగ్గా స‌రిపోతుంద‌ని అందుకనే స్త్రీ భామ‌ను ఇందులో తీసుకుబోతున్న‌ట్లు స‌మాచారం.
Also Read..
