Shiva karthikeyan | ఈ ఏడాది మహావీరుడు (Maha Veerudu) సినిమాతో మంచి విజయం అందుకున్నాడు కోలీవుడ్ స్టార్ హీరో శివకార్తికేయన్. ఇక శివకార్తికేయన్ తాజాగా నటిస్తున్న చిత్రం ‘అయలాన్’(Ayalaan). (తమిళంలో ‘అయలాన్’ అంటే ‘ఏలియన్’ అని అర్థం). ఆర్.రవికుమార్ (R. Ravi Kumar) ఈ సినిమాకు దర్శకత్వం వహిస్తున్నాడు. ఇప్పటికే మూవీ నుంచి మేకర్స్ లాంఛ్ చేసిన అయలాన్ ఫస్ట్ లుక్ పోస్టర్ నెట్టింట హల్ చల్ చేస్తోంది. శివకార్తికేయన్ గగనంలో విహరిస్తుండగా.. అతడితోపాటే ఏలియన్ కూడా వెళ్తున్న లుక్ సినిమాపై క్యూరియాసిటీ పెంచుతోంది. ఇదిలా ఉంటే ఈ సినిమా నుంచి మేకర్స్ టీజర్ విడుదల చేశారు.
ఒక్కో పీరియడ్లో ఒక్కో ఎనర్జీ ఈ వరల్డ్ని డామినేట్ చేసింది. వాతావరణంలో ఏర్పడిన ఈ ప్రమాదకరమైన మార్పులు భూమినే అంతం చేస్తాయని పరిశోధకులు హెచ్చరిస్తున్నారు. ఆ ఎనర్జీ యొక్క డిమాండ్ అండ్ డ్రైన్ ఏ రాబోయే ఎనర్జీలకు నాంది అంటూ టీజర్ మొదలైంది. ఇక టీజర్ గమనిస్తే.. ఓ పల్లెటూరిలో తన దోస్త్లతో ఉండే శివకార్తికేయన్కు.. అనుకోకుండా ఆ ఊరిలోకి వచ్చిన ఏలియన్తో ఫ్రెండ్షిప్ ఏర్పడుతుంది. ఆ తర్వాత ఊరికి ఒక సమస్య రాగా ఏలియన్తో కలిసి శివకార్తికేయన్ ఆ సమస్యను ఎలా సాల్వ్ చేశాడు అనేది మూవీ స్టోరీ. ఇక టీజర్ చివరిలో ఏలియన్ను శివ స్నేహితుడు కొట్టడం కామెడీగా ఉంది.
Wishing dear siva @Siva_Kartikeyan a huge success with #ayalaan . This looks like a great idea and lots of effort. Can’t wait to watch. Best wishes to the team 🤗
Here’s the telugu teaser https://t.co/49JZ9YhsoS#AyalaanTeaser #Ayalaan @Siva_Kartikeyan @TheAyalaan @arrahman…
— Nani (@NameisNani) October 6, 2023
సైన్స్ ఫిక్షన్ జానర్లో వస్తున్న ఈ సినిమాలో రకుల్ ప్రీత్సింగ్ (Rakul Preet Singh) కథనాయికగా నటిస్తుండగా.. ఏ.ఆర్.రెహమాన్ (AR Rahman) సంగీతం అందిస్తున్నాడు. పొంగళ్ 2024 కానుకగా విడుదల చేయనున్నట్టు మేకర్స్ ప్రకటించారు. అయలాన్లో శివకార్తికేయన్, రకుల్తో పాటు ఇషా కొప్పికర్, శరద్ కేల్కర్, భానుప్రియ, యోగి బాబు, కరుణాకరన్, బాల శరవణన్ తదితరులు కీలక పాత్రలు పోషిస్తున్నారు.