Game Changer | రాంచరణ్‌ గేమ్‌ ఛేంజర్‌ కొత్త షెడ్యూల్ ఎప్పుడో తెలుసా..?

Game Changer | టాలీవుడ్ స్టార్ హీరో రాంచరణ్‌ (Ram Charan) టైటిల్‌ రోల్‌లో నటిస్తున్న చిత్రం గేమ్‌ ఛేంజర్‌ (Game changer). ప్రస్తుతం షూటింగ్‌ దశలో ఉన్న ఈ సినిమా కొత్త షెడ్యూల్ అప్‌డేట్‌ ఒకటి నెట్టింట హల్‌చల్ చేస్తోంది.

Game Changer | టాలీవుడ్ స్టార్ హీరో రాంచరణ్‌ (Ram Charan) టైటిల్‌ రోల్‌లో నటిస్తున్న చిత్రం గేమ్‌ ఛేంజర్‌ (Game changer). ఆర్‌సీ 15 ప్రాజెక్టుగా తెరకెక్కుతున్న ఈ చిత్రానికి స్టార్ డైరెక్టర్ శంకర్‌ (Shankar)‌ దర్శకత్వం వహిస్తున్నాడు. బాలీవుడ్ భామ కియారా అద్వానీ, రాజోలు భామ అంజలి ఫీ మేల్ లీడ్ రోల్స్‌లో నటిస్తున్నారు. ప్రస్తుతం షూటింగ్‌ దశలో ఉన్న ఈ సినిమా కొత్త షెడ్యూల్ అప్‌డేట్‌ ఒకటి నెట్టింట హల్‌చల్ చేస్తోంది.

కొన్ని రోజులపాటు ప్లాన్ చేసిన గేమ్‌ ఛేంజర్‌ కొత్త షెడ్యూల్ వచ్చే వారంలో షురూ కానున్నట్టు సమాచారం. రాంచరణ్‌తోపాటు లీడ్ యాక్టర్లపై వచ్చే టాకీ పార్ట్‌ను ఈ షెడ్యూల్‌లో పూర్తి చేయాలని ఫిక్సయినట్టు తెలుస్తోంది. మరిన్ని వివరాలపై త్వరలోనే శంకర్‌ టీం నుంచి క్లారిటీ రానుందట. మొత్తానికి వేగంగా షూటింగ్‌ పూర్తి చేస్తూ.. అభిమానులకు బ్యాక్ టు బ్యాక్ ప్రమోషనల్‌ అప్‌డేట్స్‌ ఇచ్చేందుకు రాంచరణ్‌ రెడీ అవుతున్నట్టు తాజా అప్‌డేట్ చెబుతోంది.

పొలిటిక‌ల్ థ్రిల్లర్‌ జోనర్‌లో వస్తున్న ఈ చిత్రంలో బాలీవుడ్ నటుడు హ్యారీ జోష్‌ విలన్‌గా నటిస్తుండగా.. ఎస్‌జే సూర్య, నవీన్‌ చంద్ర, శ్రీకాంత్‌, స‌ముద్రఖని, జ‌య‌రాయ్‌, సునీల్ ఇతర కీలక పాత్రలు పోషిస్తున్నారు. ఈ మూవీని శ్రీ వెంక‌టేశ్వర క్రియేష‌న్స్ బ్యాన‌ర్‌పై దిల్‌ రాజు అత్యంత భారీ బ‌డ్జెట్‌తో తెర‌కెక్కిస్తున్నారు. గేమ్‌ ఛేంజర్‌కు కార్తీక్ సుబ్బరాజు కథనందిస్తున్నారు. సాయిమాధ‌వ్ బుర్రా డైలాగ్స్ అందిస్తున్నారు.

తెలుగు, తమిళం, హిందీ భాషల్లో గ్రాండ్‌గా విడుదల కానున్న ఈ చిత్రానికి మ్యూజిక్ సెస్సేషన్‌ ఎస్‌ థమన్ సంగీతం అందిస్తున్నాడు.గేమ్‌ ఛేంజర్‌ వచ్చే కీలక సన్నివేశాలను కొన్ని రోజుల క్రితం స్టంట్ మాస్టర్‌ అన్బరివ్‌ నేతృత్వంలో మైక్రోబాట్‌ కెమెరాతో యాక్షన్‌ సీక్వెన్స్ షూట్‌ను పూర్తి చేశారని తెలిసిందే.