నల్ల బంగారంగా సంయుక్త

విరూపాక్ష, సార్‌ సినిమాల ద్వారా తెలుగు ప్రేక్షకులకు చేరువైన మలయాళ మందారం సంయుక్త మీనన్‌ త్వరలో ‘బ్లాక్‌ గోల్డ్‌'గా తెరపైకి రానున్నది.

విరూపాక్ష, సార్‌ సినిమాల ద్వారా తెలుగు ప్రేక్షకులకు చేరువైన మలయాళ మందారం సంయుక్త మీనన్‌ త్వరలో ‘బ్లాక్‌ గోల్డ్‌’గా తెరపైకి రానున్నది. ‘చింతకాయల రవి’ చిత్రంతో దర్శకునిగా పరిచయమైన యోగి చాలా విరామం తర్వాత ఈ సినిమాకు దర్శకత్వం వహిస్తున్నారు. ఇదో లేడీ ఓరియెంటెడ్‌ మూవీ. ఈ సినిమాకు ముందు భైరవి, రాక్షసి అనే పేర్లు పరిశీలించారు.

వాటికంటే ‘బ్లాక్‌ గోల్డ్‌’ అయితే.. జనంలోకి తేలిగ్గా వెళ్తుందన్న ఆలోచనతో దీన్ని ఫిక్స్‌ చేసినట్టు సమాచారం. సినిమా దాదాపుగా సగంపై పూర్తయింది. ఓ గ్లింప్స్‌ కూడా సిద్ధం చేసినట్టు తెలుస్తున్నది. ఆ గ్లింప్స్‌తోపాటే టైటిల్‌ను కూడా రివీల్‌ చేసే అవకాశం ఉంది. హాస్య మూవీస్‌ పతాకంపై రాజేష్‌ దండా ఈ చిత్రాన్ని నిర్మిస్తున్నారు.