Samantha | సమంత చేసిన పనికి అంతా షాక్.. గే పెళ్లికి సపోర్ట్..

November 1, 2021 / 10:57 PM IST

Samantha’s Gay Marriage Post | పెళ్లికి ముందు అయినా.. తర్వాత అయినా సమంత చేసే ప్రతి పని సంచలనం అవుతుంది. ఏ విషయంలో అయినా తన అభిప్రాయం బలంగా చెప్పడంలో సమంత ఎప్పుడూ వెనుకాడదు. తాను తప్పు చేయలేదు అని తెలిసినంత వరకు ఎంత దూరమైనా వెళ్తుంది ఈ ముద్దుగుమ్మ. కొన్ని విషయాల్లో మొహమాటపడకుండా తన అభిప్రాయం చెప్తుంది. అది కూడా ముసుగులో గుద్దులాట లేకుండా ఉన్నదున్నట్లు మొహంపై చెబుతోంది సమంత. ఇప్పుడు కూడా ఇదే చేసింది మాజీ అక్కినేని కోడలు.

స్వలింగ సంపర్కుల పెళ్లి విషయంలో ఈ మధ్య సుప్రీం కోర్టు తీర్పు ఇచ్చింది. ఇండియన్ పీనల్ కోడ్ 377 నిషేధిస్తూ కోర్టు నిర్ణయం తీసుకుంది. న్యాయస్థానం నుంచి ఈ తీర్పు వెలువడిన తర్వాత తెలంగాణలో ఓ గే కపుల్ పెళ్లి చేసుకోబోతున్నారు. డిసెంబర్‌లో వీళ్ల పెళ్లి జ‌ర‌గ‌నుంది. ఇప్పుడు ఈ సంగ‌తి సోష‌ల్ మీడియాలో వైర‌ల్‌గా మారింది. ఈ క్ర‌మంలో దీనిపై స‌మంత స్పందించింది.
గే క‌పుల్ పెళ్లికి సంబంధించి తెలంగాణ టుడే న్యూస్ పేప‌ర్‌లో వ‌చ్చిన ఒక ఆర్టిక‌ల్‌ను స‌మంత సోష‌ల్ మీడియాలో పోస్టు చేసింది. గే క‌పుల్‌కు శుభాకాంక్ష‌లు చెప్పింది. ఇప్పుడు ఈ పోస్టు వైర‌ల్‌గా మారింది. గే మ్యారేజ్‌కు స‌మంత స‌పోర్ట్ చేసింది అంటూ సోష‌ల్ మీడియాలో చ‌ర్చ మొద‌లైంది. ఇదిలా ఉంటే కొన్ని రోజుల కింద స‌మంత స్టైలిస్ట్ ప్రీత‌మ్ జుక‌ల్క‌ర్ గే అంటూ వార్త‌లు వ‌చ్చాయి. దీనిపై ఆయ‌న కూడా సీరియ‌స్ అయ్యాడు. ఇలాంటి స‌మ‌యంలో స‌మంత‌.. గే మ్యారేజ్‌ను స‌పోర్ట్ చేస్తూ సోష‌ల్ మీడియాలో పోస్టు చేయ‌డం సంచ‌ల‌నంగా మారింది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి