e-Paper

Advertisement

E-Paper

Apps

Book Your Copy

Visit Telangana Today

Thursday, September 23, 2021
Home News నాని మేల్కోవాల్సిన సమయం వచ్చేసింది.. ఇదిలాగే కంటిన్యూ అయితే..

నాని మేల్కోవాల్సిన సమయం వచ్చేసింది.. ఇదిలాగే కంటిన్యూ అయితే..

నాని చేస్తున్న సినిమాలు.. ఎంచుకుంటున్న కథలు చూసిన తర్వాత ఇదే మాట అంటున్నారు అభిమానులు. ఒకప్పుడు నాని సినిమా అంటే మినిమమ్ గ్యారెంటీ అనే ముద్ర ఉండేది. ఎలా ఉన్నా కూడా నాని ఉన్నాడులే ఓ సారి చూడొచ్చు అనే వాళ్లు. కానీ ఇప్పుడు అభిమానుల‌కు నాని ఎంచుకుంటున్న కథల్లోనే లోపాలు కనిపిస్తున్నాయి. అందుకే ఆయ‌న సినిమాలు ఇప్పుడు వ‌రుస‌గా నిరాశ పరుస్తున్నాయి. మొన్న వినాయక చవితి కానుకగా నేరుగా డిజిటల్‌లో విడుదలైన టక్ జగదీష్ సినిమా చూసిన తర్వాత నాని ఫ్యాన్స్ అయ్యో అంటూ నిట్టూర్చారు. ఎన్నో సినిమాల్లో వాడేసిన కథనే మరోసారి ఫ్రెష్‌గా చూపించే ప్రయత్నం చేశాడు దర్శకుడు శివ నిర్వాణ.

2017 వరకు వరుస విజయాలతో దుమ్ము దులిపేసిన నాని.. కృష్ణార్జున యుద్ధం తర్వాత గాడి తప్పాడు. అప్పట్నుంచి ఈయన చేసిన సినిమాలు నిరాశ పరుస్తున్నాయి. మ‌ధ్య‌లో జెర్సీ మాత్రమే అంచనాలు అందుకుంది. కానీ గ్యాంగ్ లీడర్, వి సినిమాలు డిజాస్టర్ అయ్యాయి. ఇప్పుడు విడుదలైన టక్ జగదీష్ కూడా అంచనాలు అందుకోలేదనే చెప్పాలి. ఈయన ఇప్పుడు సీనియర్ దర్శకులకు కాకుండా కుర్ర దర్శకులకే ఎక్కువ ఆఫర్స్ ఇస్తున్నాడు. కొత్త కథల వైపు అడుగులేస్తున్నాడు. ముఖ్యంగా వి సినిమా ఫ్లాప్ అయిన తర్వాత నానిలో మార్పు వస్తుందని చాలా మంది అనుకున్నారు. కానీ శివ నిర్వాణతో మరోసారి రొటీన్ కథతోనే టక్ జగదీష్ సినిమా చేశాడు.
తాజాగా టాక్సీవాలా ఫేమ్ రాహుల్ సంక్రీత్యన్ దర్శకత్వంలో కోల్‌క‌తా బ్యాక్‌డ్రాప్‌లో శ్యామ్ సింగరాయ్ సినిమా చేస్తున్నాడు. ఈ చిత్ర షూటింగ్ చివరిదశకు వచ్చేసింది. ఇదిలా ఉండగానే ఇప్పుడు వివేక్ ఆత్రేయతో అంటే సుందరానికి అనే సినిమా చేస్తున్నాడు. ఈ చిత్రాన్ని మైత్రి మూవీ మేకర్స్ నిర్మిస్తోంది. ఇదే బ్యాన‌ర్‌లో నాని చేసిన గ్యాంగ్ లీడర్ సినిమా ఫ్లాప్ అయినా కూడా ఇప్పుడు మరోసారి అదే కాంబినేషన్ సెట్ అయింది. ఇప్పుడు విడుదలైన అంటే సుందరానికి కర్టెన్ రైజర్ చూస్తుంటే కచ్చితంగా సినిమా హిట్ అయ్యేలా కనిపిస్తుంది. ఈ టీజర్ చూసిన తర్వాత 100 శాతం నవ్వులు గ్యారెంటీ అని అర్థమైపోయింది. ఇప్పటి వరకు అయిందేదో అయిపోయింది.. ఇకపై అయినా కథల విషయంలో కాస్త జాగ్రత్తగా ఉండవా నాని అంటూ అభిమానులు కోరుకుంటున్నారు.

- Advertisement -

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌ట్విట‌ర్ పేజీల‌ను ఫాలో అవ్వండి

ఇవి కూడా చదవండి..

Krishnam Raju: కృష్ణం రాజుకి ప్ర‌మాదం.. అపోలోలో చికిత్స‌..!

Mallika Sherawat | తండ్రి పేరు చెప్ప‌ని మ‌ల్లికాశెరావ‌త్‌..కార‌ణ‌మిదే..!

Naga Chaitanya: స‌మంత‌కి థ్యాంక్స్ చెప్పిన చైతూ.. ఇప్ప‌టికైన‌ పుకార్లకి ఫుల్‌స్టాప్ ప‌డ్డ‌ట్టేనా?

Advertisement
-Advertisement-

తాజావార్తలు

Advertisement

ట్రెండింగ్‌

Advertisement
Namasthe Telangana