Samantha Special song | ‘పుష్ప’లో సమంత అదిరిపోయే స్పెష‌ల్‌సాంగ్..అఫీషియ‌ల్‌

విడాకుల తర్వాత సమంత (Samantha) కెరీర్ పరంగా దూసుకుపోతుంది. రంగస్థ‌లం‌ లాంటి ఇండస్ట్రీ హిట్ తర్వాత క్రియేటివ్ డైరెక్టర్ సుకుమార్ (Sukumar) ద‌ర్శ‌క‌త్వంలో తెరకెక్కుతున్న సినిమా పుష్ప.

November 15, 2021 / 09:48 PM IST

Samantha Special song | ‘పుష్ప’లో సమంత అదిరిపోయే స్పెష‌ల్‌సాంగ్..అఫీషియ‌ల్‌

విడాకుల తర్వాత సమంత (Samantha) కెరీర్ పరంగా దూసుకుపోతుంది. వరస అవకాశాలు ఈమె ముందు క్యూ కడుతున్నాయి. తాజాగా మరో సంచలన అవకాశం అందుకుంది సమంత. పుష్ప సినిమాలో ఈమె స్పెషల్ సాంగ్ చేయబోతుంది. ‘అల వైకుఠ‌పురంలో’ లాంటి ఇండస్ట్రీ హిట్ తర్వాత ఐకాన్ స్టార్ అల్లు అర్జున్ హీరోగా.. రంగస్థ‌లం‌ లాంటి ఇండస్ట్రీ హిట్ తర్వాత క్రియేటివ్ డైరెక్టర్ సుకుమార్ (Sukumar) ద‌ర్శ‌క‌త్వంలో తెరకెక్కుతున్న సినిమా పుష్ప. ఆర్య‌, ఆర్య‌ 2 సినిమాల తర్వాత హ్యాట్రిక్ చిత్రంగా పుష్ప (Pushpa) సినిమా వస్తుంది. ఈ సినిమాను రెండు భాగాలుగా తెరకెక్కిస్తున్నారు సుకుమార్. ఇందులో మొదటి భాగం పుష్ప: ది రైజ్ క్రిస్మస్ కానుకగా డిసెంబర్ 17న విడుదల కానుంది.

వ‌రుస బ్లాక్‌బ‌స్ట‌ర్ చిత్రాలతో ప‌వ‌ర్ ప్యాక్డ్ ప్రొడ‌క్ష‌న్ హౌజ్‌గా టాలీవుడ్‌లో గుర్తింపు తెచ్చుకున్న మైత్రి మూవీ మేకర్స్, మ‌రో నిర్మాణ సంస్ధ‌ ముత్తంశెట్టి మీడియాతో క‌లిసి నిర్మిస్తున్నారు. ఈ చిత్రానికి సంబంధించి ఇప్పటి వరకు విడుదలైన ప్రతీ అప్‌డేట్ కూడా సోషల్ మీడియాలో సంచలనం రేపింది. ఇప్పటికే విడుదలైన ఫస్ట్ లుక్, టీజర్, దాక్కో దాక్కో మేక, రష్మిక మందన శ్రీవల్లి, సామి సామి పాటలకు మంచి రెస్పాన్స్ వచ్చింది. ఇక నవంబర్ 19న ‘ఏయ్ బిడ్డా ఇది నా అడ్డా’ అంటూ సాగే నాలుగో సింగిల్‌ విడుదల కానుంది. తాజాగా ఈ సినిమా నుంచి మరో అప్‌డేట్ వచ్చింది.

A big Thank You to the supremely talented @Samanthaprabhu2 garu for accepting our request and doing this sizzling number in #PushpaTheRise 💥#PushpaTheRiseOnDec17 @alluarjun @iamRashmika @aryasukku #FahadhFaasil @Dhananjayaka @Mee_Sunil @anusuyakhasba @ThisIsDSP @adityamusic pic.twitter.com/fD0QRDVYTg
— Mythri Movie Makers (@MythriOfficial) November 15, 2021

ఇందులో ఐకాన్ స్టార్ అల్లు అర్జున్ (Allu Arjun)తో స్టార్ హీరోయిన్ సమంత (Samantha) కాలు కదపనున్నారు. పుష్ప 5వ పాట మరింత స్పెషల్‌గా ఉండబోతుంది.. సమంత ఎంట్రీతో ఆ పాట మరింత స్పెషల్ అయిపోయింది అంటూ చిత్ర యూనిట్ అధికారిక పోస్టర్ విడుదల చేసారు. ఇప్పటి వరకు కెరీర్ లో ఒక్కసారి ఐటెం సాంగ్స్ చేయలేదు సమంత. కానీ బన్నీ కోసం మొదటి సారి స్పెషల్ సాంగ్ (Special song) చేయబోతుంది. ఈమె ఎంట్రీతో సినిమా మరింత స్పెషల్ కానుంది. ఈ సినిమాలో ప్రతినాయకుడిగా జాతీయ అవార్డు గ్ర‌హిత, మ‌ల‌యాళ‌ స్టార్ హీరో ఫహాద్ ఫాజిల్ నటిస్తున్నారు. మొత్తానికి చూడాలిక.. సమంత ఐటం సాంగ్ ఎలా ఉండబోతుందో..?

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి