సీతారామ వనవాసాన్ని చూసిన అడవి మనదే..

రోషన్‌ కనకాల కథానాయకుడిగా రూపొందుతున్న యాక్షన్‌ ఎంటర్‌టైనర్‌ ‘మోగ్లీ 2025’ సాక్షి మడోల్కర్‌ కథానాయిక. ‘కలర్‌ఫొటో’ఫేం సందీప్‌రాజ్‌ దర్శకుడు. టీజీ విశ్వప్రసాద్‌, కృతిప్రసాద్‌ నిర్మాతలు. డిసెంబర్‌ 12న సినిమా విడుదల కానుంది.

రోషన్‌ కనకాల కథానాయకుడిగా రూపొందుతున్న యాక్షన్‌ ఎంటర్‌టైనర్‌ ‘మోగ్లీ 2025’ సాక్షి మడోల్కర్‌ కథానాయిక. ‘కలర్‌ఫొటో’ఫేం సందీప్‌రాజ్‌ దర్శకుడు. టీజీ విశ్వప్రసాద్‌, కృతిప్రసాద్‌ నిర్మాతలు. డిసెంబర్‌ 12న సినిమా విడుదల కానుంది. ఈ సందర్భంగా మేకర్స్‌ ప్రమోషన్స్‌ వేగవంతం చేశారు. ఇప్పటికే విడుదలైన తొలిపాట మంచి హిట్‌ అయ్యిందని మేకర్స్‌ చెబుతున్నారు. ఈ నేపథ్యంలోనే గురువారం ఈ సినిమాలోని రెండోపాటను విడుదల చేశారు.

‘ఆ సీతారామ వనవాసాన్ని చూసిన అడవి మనదే..’ అంటూ సాగే ఈ పాటను కల్యాణ చక్రవర్తి రాయగా, కాలభైరవ స్వరపరిచి.. సోని కోమండూరితో కలిసి ఆలపించారు. సీతమ్మను రక్షించేందుకు శ్రీరాముడు యుద్ధానికి వెళ్లినట్టే.. ఇందులో హీరో కూడా తన ప్రేమను కాపాడుకునేందుకు సిద్ధం అవుతున్నాడనే భావనతో ఈ పాట ఆసాంతం సాగింది. కథానాయకుడి తెగువ, దృఢసంకల్పం ఆవిష్కరించేలా పాట పిక్చరైజేషన్‌ సాగింది. బండి సరోజ్‌కుమార్‌, హర్ష చెముడు ఇతర పాత్రలు పోషిస్తున్న ఈ చిత్రానికి కెమెరా: రామ మారుతి ఎం., నిర్మాణం: పీపుల్‌ మీడియా ఫ్యాక్టరీ.