Dhamaka Movie | ‘ధమాకా’ సెకండ్‌ సింగిల్ రిలీజ్‌.. మాస్‌ స్టెప్స్‌తో అదరగొడుతున్న రవితేజ

Dhamaka Movie Second Single | 'క్రాక్' వంటి భారీ విజయం తర్వాత 'ఖిలాడీ', 'రామారావు ఆన్‌ డ్యూటీ' సినిమాలు వరుసగా ఫ్లాప్‌ అవడంతో రవితేజ తీవ్రంగా నిరాశపడ్డాడు. ప్రస్తుతం ఈయన ఒక మంచి హిట్టు కోసం ఎంతగానో ఎదురు చూస్తున్నాడు.

September 23, 2022 / 06:23 PM IST

Dhamaka Movie | ‘ధమాకా’ సెకండ్‌ సింగిల్ రిలీజ్‌.. మాస్‌ స్టెప్స్‌తో అదరగొడుతున్న రవితేజ

Dhamaka Movie Second Single | ‘క్రాక్’ వంటి భారీ విజయం తర్వాత ‘ఖిలాడీ’, ‘రామారావు ఆన్‌ డ్యూటీ’ సినిమాలు వరుసగా ఫ్లాప్‌ అవడంతో రవితేజ తీవ్రంగా నిరాశపడ్డాడు. ప్రస్తుతం ఈయన ఒక మంచి హిట్టు కోసం ఎంతగానో ఎదురు చూస్తున్నాడు. ఈ క్రమంలోనే ‘ధమాకా’ సినిమాతో ప్రేక్షకుల ముందుకు రావడానికి సిద్ధమయ్యాడు. త్రినాథ్ రావు నక్కిన ద‌ర్శకత్వం వ‌హించిన‌ ఈ చిత్రం ఇటీవ‌లే షూటింగ్ పూర్తి చేసుకుని ప్రీ ప్రొడ‌క్షన్‌ పనుల‌లో బిజీగా ఉంది. ఇప్పటికే చిత్రం నుండి విడుద‌లైన పోస్టర్‌లు ప్రేక్షకులను విప‌రీతంగా ఆక‌ట్టుకున్నాయి. తాజాగా మేక‌ర్స్ ‘మాస్‌రాజా’ అంటూ సాగే మాస్‌ బీట్‌ సాంగ్‌ను మేకర్స్‌ తాజాగా విడుదల చేశారు.

ఈ పాట రవితేజ ఎనర్జీ, సిగ్నేచర్‌ స్టెప్స్ ఆకట్టుకుంటున్నాయి. బీమ్స్ సిసిరోలియో స్వర పరిచిన ఈ పాటను రామజోగయ్య శాస్త్రీ రచించగా.. నకాష్‌ అజీజ్‌ ఆలపించాడు. ఇక ఇటీవలే విడుదలైన ‘జింతాక్’ పాటకు కూడా ప్రేక్షకుల నుండి విశేష స్పందన వచ్చింది. యాక్షన్‌ ఎంట‌ర్‌టైన‌ర్‌గా తెర‌కెక్కిన ఈ చిత్రాన్ని పీపుల్ మీడియా ఫ్యాక్టరీ, అభిషేక్ అగ‌ర్వాల్ ఆర్ట్స్ బ్యాన‌ర్లు సంయుక్తంగా నిర్మిస్తున్నాయి. ర‌వితేజ‌కు జోడీగా పెళ్ళి సంద‌డి ఫేం శ్రీలీల హీరోయిన్‌గా న‌టిస్తుంది. ఈ చిత్రానికి ప్రసన్న కుమార్ బెజ‌వాడ క‌థ‌-స్క్రీన్‌ప్లే-మాట‌లు అందిస్తున్నాడు. ఇక ఈ చిత్రాన్ని అక్టోబర్‌ 21న విడుదల చేయాలని మేకర్స్‌ సన్నాహాలు చేస్తున్నారు.