Visit:
Rashmika Mandanna | కన్నడ సోయగం రష్మిక మందన్నా ప్రస్తుతం బ్యాక్ టు బ్యాక్ సినిమాలతో బిజీగా ఉన్న విషయం తెలిసిందే. వీటిలో ఒకటి తమ (Thama). హార్రర్ జోనర్‌లో తెరకెక్కుతున్న ఈ చిత్రానికి ఆదిత్య సర్పోట్‌దర్‌ దర్శకత్వం వహిస్తున్నాడు. ఆయుష్మాన్‌ ఖురానా కీలక పాత్రలో నటిస్తున్నాడు. ఈ సినిమా ప్రస్తుతం షూటింగ్ దశలో ఉంది. కాగా ఇన్‌స్టాగ్రామ్‌ ద్వారా షూటింగ్ అప్‌డేట్ షేర్ చేసింది.
‘మరో రెండు రోజులు రాత్రిపూట షూటింగ్ ఉండబోతుంది.. కాబట్టి నేను పెట్టే పోస్టులు, స్టోరీలు కేవలం చంద్రుడి వెలుగులో, కెమెరా లైట్స్‌ మధ్య కానీ, నక్షత్రాల మధ్య నుంచి ఉండవచ్చు. (మన సిటీలో చూసేందుకు వీలుకానిది) ఒప్పుకుంటారా..?’ అంటూ చంద్రుడి వెన్నెలలో తీసిన స్టిల్‌ను షేర్ చేసింది రష్మిక మందన్నా. అయితే లొకేషన్ ఎక్కడనేది సస్పెన్స్‌లో పెట్టేసింది. ఇప్పుడీ స్టిల్ నెట్టింట వైరల్ అవుతోంది. మొత్తానికి అప్‌డేట్స్‌ కోసం ఎదురుచూస్తున్న తన ఫాలోవర్లు, అభిమానుల్లో తాజా పోస్ట్‌తో జోష్ నింపుతోంది.
ఇటీవలే ఛావా సినిమాతో బ్లాక్ బస్టర్ హిట్టందుకుంది రష్మిక మందన్నా. ఈ భామ ప్రస్తుతం శేఖర్‌కమ్ముల డైరెక్షన్‌లో ధనుష్‌ టైటిల్‌ రోల్‌లో నటిస్తున్న కుబేరలో ఫీ మేల్ లీడ్ రోల్‌ పోషిస్తోంది. ఈ మూవీ జూన్‌లో ప్రేక్షకుల ముందుకు రానుంది. దీంతోపాటు రాహుల్ రవీంద్రన్ డైరెక్షన్‌లో ది గర్ల్‌ఫ్రెండ్ చిత్రంలో నటిస్తోంది.
