Rana | నాకొచ్చిన పెద్ద ప్ర‌శంస ఆయ‌న‌దే..చిట్‌చాట్‌లో రానా

భీమ్లానాయ‌క్‌ (Bheemla Nayak) విడుద‌లైన అన్ని సెంట‌ర్లలో స‌క్సెస్ ఫుల్ టాక్‌తో ప్ర‌ద‌ర్శించ‌బ‌డుతూ..క‌లెక్ష‌న్ల వ‌ర్షం కురిపిస్తోంది. డానియ‌ల్ శేఖ‌ర్‌గా రానా పోషించిన పాత్ర‌కు మంచి స్పంద‌న వ‌స్తోంది. ఈ సంద‌ర్భంగా మీడియాతో చిట్ చాట్ చేశాడు రానా.

టాలీవుడ్ స్టార్ యాక్ట‌ర్లు ప‌వ‌న్ క‌ల్యాణ్ (Pawan Kalyan), రానా (Rana) కాంబినేష‌న్ లో వ‌చ్చిన చిత్రం భీమ్లానాయ‌క్‌ (Bheemla Nayak). ఈ మూవీ విడుద‌లైన అన్ని సెంట‌ర్లలో స‌క్సెస్ ఫుల్ టాక్‌తో ప్ర‌ద‌ర్శించ‌బ‌డుతూ..క‌లెక్ష‌న్ల వ‌ర్షం కురిపిస్తోంది. త్రివిక్ర‌మ్ (Trivikram) క‌థ‌, స్క్రీన్ ప్లే అందించిన ఈ చిత్రంలో డానియ‌ల్ శేఖ‌ర్‌గా రానా పోషించిన పాత్ర‌కు మంచి స్పంద‌న వ‌స్తోంది. ఈ సంద‌ర్భంగా మీడియాతో చిట్ చాట్ చేశాడు రానా.

భీమ్లానాయ‌క్ ను మీరు అంత‌గా ప్ర‌మోట్ చేయ‌లేదెందుక‌ని ప్ర‌శ్నించ‌గా..? నెట్ ఫ్లిక్స్ ప్రాజెక్టు షూటింగ్‌లో బిజీగా ఉండ‌టంతో భీమ్లా నాయ‌క్ ప్ర‌మోష‌న్స్ కు వెళ్ల‌లేక‌పోయా. విడుద‌లైన తొలి రోజు కూడా నేను షూటింగ్‌లోనే ఉన్నా. సాయంత్రం కొంత టైం దొర‌క‌డంతో ముంబైలో తెలుగు ప్రేక్ష‌కుల‌తో క‌లిసి సినిమా చూశాన‌న్నాడు.

ఈ సినిమాకు అందుకున్న ఉత్త‌మ ప్ర‌శంస ఏంట‌ని అడగ్గా..మా నాన్న నా సినిమాల‌కు అంత‌గా ప్ర‌శంస‌లు అందించ‌రు. కానీ భీమ్లానాయ‌క్ లో నా న‌ట‌న చూసి సంతోష‌ప‌డ్డారు. నా యాక్టింగ్ చాలా బాగుంద‌ని, సంతృప్తిక‌రంగా ఉంద‌ని చెప్పారు. ఇప్ప‌టివ‌ర‌కు నాకొచ్చిన పెద్ద ప్ర‌శంస ఇదే. అంటూ చెప్పుకొచ్చాడు.

ప‌వ‌న్ క‌ల్యాణ్‌తో ప‌నిచేయ‌డంపై స్పందిస్తూ..అంత‌కుముందు ప‌వ‌న్ క‌ల్యాణ్‌తో నేను అంత‌గా ఇంట‌రాక్ట్ అవ్వ‌లేదు. షూటింగ్ స‌మ‌యంలో ప‌వ‌న్‌ను చాలా ద‌గ్గ‌రగా చూసి..ఆయ‌న గురించి తెలుసుకున్నా. ప‌వ‌న్ చాలా సైలెన్స్ గా ఉండే వ్య‌క్తి. ఇత‌రుల గురించి ఎప్పుడూ చెడుగా మాట్లాడ‌డు. ప‌వ‌న్ క‌ల్యాణ్ భావోద్వేగాల‌ను చూపించే విధానం చాలా అద్బుతంగా ఉంటుంది. ఆయ‌న నుంచి నేను చాలా నేర్చుకున్నాన‌ని చెప్పాడు రానా.