Megastar Chiranjeevi | మెగాస్టార్‌కు పద్మ విభూషణ్‌.. రామ్ చ‌ర‌ణ్, అల్లు అర్జున్‌ ఏమన్నారంటే..?

Ram Charan - Allu Arjun | భార‌తదేశ రెండో అత్యున్నత పౌరపురస్కారం (Padma Vibhushan) పద్మవిభూషణ్‌కు ఈ ఏడాది అగ్ర కథానాయకుడు, మెగాస్టార్‌ చిరంజీవి (Chiranjeevi)తో పాటు మాజీ ఉపరాష్ట్రపతి వెంకయ్య నాయుడు ఎంపిక అయిన విష‌యం తెలిసిందే.

Ram Charan – Allu Arjun | భార‌తదేశ రెండో అత్యున్నత పౌరపురస్కారం (Padma Vibhushan) పద్మవిభూషణ్‌కు ఈ ఏడాది అగ్ర కథానాయకుడు, మెగాస్టార్‌ చిరంజీవి (Chiranjeevi)తో పాటు మాజీ ఉపరాష్ట్రపతి వెంకయ్య నాయుడు ఎంపిక అయిన విష‌యం తెలిసిందే. ఇక ఇద్దరు తెలుగువారికి ఈ అవార్డు వరించడంతో.. సినీ, రాజ‌కీయ ప్ర‌ముఖుల‌తో పాటు అభిమానులు చిరంజీవి, వెంకయ్య నాయుడుల‌కు శుభాకాంక్ష‌లు తెలుపుతున్నారు.

చిరంజీవికి పద్మవిభూషణ్ రావడంపై టాలీవుడ్ న‌టుడు అల్లు అర్జున్ సంతోషాన్ని వ్యక్తం చేశారు. సోష‌ల్ మీడియా వేదికగా ఆయన స్పందిస్తూ… దేశంలోనే రెండో అత్యున్నతమైన పౌర పురస్కారం పద్మ విభూషణ్‌కు ఎంపికైనందుకు మన మెగాస్టార్‌ చిరంజీవి గారికి హృదయపూర్వక అభినందనలు. కుటుంబ సభ్యులకు, అభిమానులకు, తెలుగు ప్రజలకు ఇదొక గొప్ప గౌరవం. ఈ అచీవ్ మెంట్ ను ఎంతో గౌరవంగా భావిస్తున్నా.మేము గర్వపడేలా చేసినందుకు ధన్యవాదాలు’ అంటూ అల్లు అర్జున్ రాసుకోచ్చాడు.

Congratulations to our megastar @KChiruTweets garu for the prestigious honour of Padma Vibhushan . What an honour for the family , fans & telugu people . I feel so elated & honoured by this achievement . Thank you for making us all soo proud 🙏🏽 pic.twitter.com/f7PZg7Z3yr

— Allu Arjun (@alluarjun) January 26, 2024

మ‌రోవైపు దీనిపై రామ్ చ‌ర‌ణ్ స్పందిస్తూ.. ప్రతిష్ఠాత్మక పద్మవిభూషణ్‌ అవార్డుకు ఎంపికైనందుకు చిరంజీవి గారికి హృదయపూర్వక శుభాకాంక్ష‌లు. భారతీయ సినీ పరిశ్రమకు మీరందించిన సేవలు నాతోపాటు ఎంతోమంది అభిమానులను ప్రేరేపించడంలో కీలకపాత్ర పోషించాయి. చిరంజీవి సేవలను గుర్తించినందుకు భారత ప్రభుత్వానికి, ప్రధాని నరేంద్ర మోదీకి కృతజ్ఞతలు. ఈ ప్రయాణంలో అండగా నిలిచిన అభిమానులు, శ్రేయోభిలాషులకు ధన్యవాదాలు అంటూ రామ్ చ‌ర‌ణ్ రాసుకోచ్చాడు.

Congratulations @KChiruTweets ❤️on the prestigious ‘Padma Vibhushan’! Your contribution to Indian cinema and society at large has played an instrumental role in shaping me and inspiring countless fans. You are an impeccable citizen of this great nation..

Immense gratitude to…

— Ram Charan (@AlwaysRamCharan) January 26, 2024