Raju weds Rambai | థియేటర్లలో హిట్… ఓటీటీలోనూ సంచలనం .. ‘రాజు వెడ్స్ రాంబాయి’ హ‌వా త‌గ్గ‌ట్లేద‌గా..!

Raju weds Rambai | ఈ ఏడాది తెలుగు సినిమా ఇండస్ట్రీలో వచ్చిన సూపర్ హిట్స్, సర్ప్రైజింగ్ హిట్స్ జాబితాలో తాజాగా చేరిన చిత్రం ‘రాజు వెడ్స్ రాంబాయి’. పెద్ద హీరోలు, స్టార్ డైరెక్టర్లు లేకుండా తెరకెక్కిన ఈ యదార్థ ప్రేమకథ ప్రేక్షకుల హృదయాలను గెలుచుకుని బాక్సాఫీస్ వద్ద భారీ విజయం సాధించింది. విడుదలకు ముందు పెద్దగా అంచనాలు లేకపోయినా, థియేటర్లలోకి వచ్చాక వర్డ్ ఆఫ్ మౌత్‌తో దూసుకెళ్లిన ఈ సినిమా మంచి లాభాలను కూడా అందించింది.

Raju weds Rambai | ఈ ఏడాది తెలుగు సినిమా ఇండస్ట్రీలో వచ్చిన సూపర్ హిట్స్, సర్ప్రైజింగ్ హిట్స్ జాబితాలో తాజాగా చేరిన చిత్రం ‘రాజు వెడ్స్ రాంబాయి’. పెద్ద హీరోలు, స్టార్ డైరెక్టర్లు లేకుండా తెరకెక్కిన ఈ యదార్థ ప్రేమకథ ప్రేక్షకుల హృదయాలను గెలుచుకుని బాక్సాఫీస్ వద్ద భారీ విజయం సాధించింది. విడుదలకు ముందు పెద్దగా అంచనాలు లేకపోయినా, థియేటర్లలోకి వచ్చాక వర్డ్ ఆఫ్ మౌత్‌తో దూసుకెళ్లిన ఈ సినిమా మంచి లాభాలను కూడా అందించింది. ‘రాజు వెడ్స్ రాంబాయి’లో నటించిన నటీనటులు, దర్శకుడు సైతం ప్రేక్షకులకు పెద్దగా పరిచయం లేనివారే. అయినప్పటికీ, కథలోని సహజత్వం, గ్రామీణ నేపథ్య ప్రేమకథను హృద్యంగా చూపించిన తీరు ప్రేక్షకులను ఆకట్టుకుంది. ముఖ్యంగా ఎమోషనల్ సీన్స్, క్యారెక్టర్ల మధ్య కెమిస్ట్రీ సినిమా విజయానికి ప్రధాన కారణాలుగా నిలిచాయి.

థియేటర్ల తర్వాత ఇటీవలే ఈ సినిమా ఓటీటీకి వచ్చి అక్కడ కూడా సంచలనమే సృష్టిస్తోంది. ప్రముఖ ఓటీటీ ప్లాట్‌ఫామ్ ఈటీవీ విన్ (ETV Win) ఈ సినిమా డిజిటల్ హక్కులను సొంతం చేసుకుంది. కొన్ని రోజుల క్రితమే స్ట్రీమింగ్‌కు అందుబాటులోకి వచ్చిన ఈ చిత్రం, అతి తక్కువ సమయంలోనే 100 మిలియన్ స్ట్రీమింగ్ మినిట్స్ను దాటినట్లు అధికారికంగా వెల్లడైంది. ఇది చిన్న సినిమా అయినప్పటికీ ప్రేక్షకుల్లో ఈ సినిమాకు ఉన్న క్రేజ్ ఏ స్థాయిలో ఉందో స్పష్టంగా చెబుతోంది. కుటుంబ ప్రేక్షకులు, యూత్ పెద్ద సంఖ్యలో ఈ సినిమాను ఓటీటీలో వీక్షిస్తున్నారని సమాచారం.

స్టార్ పవర్ లేకపోయినా కంటెంట్ ఉంటే ప్రేక్షకులు ఆదరిస్తారని మరోసారి ‘రాజు వెడ్స్ రాంబాయి’ నిరూపించింది. థియేటర్లలోనే కాదు, ఓటీటీ ప్లాట్‌ఫామ్‌లోనూ ఈ స్థాయి స్పందన రావడం చిత్ర బృందానికి మరింత ఉత్సాహాన్ని ఇచ్చింది. సోషల్ మీడియాలో కూడా సినిమా కథ, పాత్రలపై పాజిటివ్ కామెంట్స్ వెల్లువెత్తుతున్నాయి. ఈ చిత్రానికి సాయిలు కంపాటి దర్శకత్వం వహించగా, అఖిల్ రాజ్ ఉద్దెమరి, తేజస్వీ రావు ప్రధాన పాత్రల్లో నటించారు. వారితో పాటు శివాజీ రాజా, చైతు జొన్నలగడ్డ తదితరులు కీలక పాత్రల్లో కనిపించారు. దర్శకుడు సాయిలు కంపాటి ఈ ప్రేమకథను చాలా సహజంగా తెరకెక్కించడంతో ప్రేక్షకులు కథతో బాగా కనెక్ట్ అయ్యారు. ‘రాజు వెడ్స్ రాంబాయి’ విజయం, బడ్జెట్, స్టార్ కాస్ట్ కంటే మంచి కథే సినిమాకు అసలైన బలం అనే విషయాన్ని మరోసారి రుజువు చేసింది. ఈ సినిమా విజయంతో చిన్న సినిమాలపై ఇండస్ట్రీలో మళ్లీ ఆసక్తి పెరిగిందని ట్రేడ్ వర్గాలు అభిప్రాయపడుతున్నాయి.