అదృష్టం కొద్దీ వచ్చిన అవకాశం

‘కన్నప్ప’ సినిమాతో తొలిసారి టాలీవుడ్‌ తెరపై మెరిసిన తార ప్రీతి ముకుందన్‌. ‘కన్నప్ప’ను వీక్షించిన యువతరం ప్రీతి ముకుందన్‌ అందచందాల గురించి ప్రత్యేకంగా మాట్లాడుకున్నారు.

‘కన్నప్ప’ సినిమాతో తొలిసారి టాలీవుడ్‌ తెరపై మెరిసిన తార ప్రీతి ముకుందన్‌. ‘కన్నప్ప’ను వీక్షించిన యువతరం ప్రీతి ముకుందన్‌ అందచందాల గురించి ప్రత్యేకంగా మాట్లాడుకున్నారు. ఓ విధంగా ఈ తమిళ సోయగం ఆ సినిమాకు ప్రత్యేక ఆకర్షణగా నిలిచిందని చెప్పొచ్చు. ‘కన్నప్ప’లో ప్రభాస్‌తో స్క్రీన్‌ షేర్‌ చేసుకోవడంపై తాజాగా ఓ ఇంటర్వ్యూలో మాట్లాడారు ప్రీతి ముకుందన్‌.

‘ ‘కన్నప్ప’ ఓ అరుదైన అవకాశం. అదృష్టం కొద్దీ వచ్చిన అవకాశం అది. ఈ సినిమాలో ప్రభాస్‌తో కలిసి నటించడం ఎప్పటికీ మరిచిపోలేని అనుభవం. ఆయన చాలా స్వీట్‌ పర్సన్‌. ఆయన ఎక్కడుంటే అక్కడ పాజిటివిటీ ఉంటుంది. ఆ ప్రత్యేకత స్క్రీన్‌పై కూడా కనిపిస్తుంది. పాన్‌ఇండియా సూపర్‌స్టార్‌ అయినా.. ఎక్కడా ఆ భేషజం ఆయనలో కనిపించదు. సెట్‌లో అందర్నీ గౌరవిస్తారాయన. ఎవర్నీ చిన్నచూపు చూడరు.’ అంటూ చెప్పుకొచ్చింది ప్రీతి ముకుందన్‌.